«Тараннуми Истиқлол». Таҳти чунин унвон дар Душанбе маҳфили адабӣ-фарҳангӣ доир шуд

Сентябрь 4, 2021 09:10

ДУШАНБЕ, 04.09.2021 /АМИТ«Ховар»/.  3 сентябр дар Донишгоҳи миллии Тоҷикистон бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон таҳти унвони «Тараннуми Истиқлол» ва иштироки шоирону оҳангсозон маҳфили адабӣ-фарҳангӣ баргузор гардид.

Зимни маҳфил иштирокдорон аз муваффақияти замони соҳибистиқлолӣ ёдовар шуда, зикр намуданд, ки ба даст овардани Истиқлолияти давлатии Ҷумҳурии Тоҷикистон барои ҳар шаҳрванд арзиши олӣ дошта, азизтарин неъмати дунё, рукни асосии давлати озод, рамзи щарафу намуси ватанорӣ, кафолати хонаи ободу сари баланд, заминаи асосии ободокориву кору пайкорҳои созандагӣ, нерубахши ҳаёти осоиштаи ҳамарӯзаи мо мебошад.

Шоири халқии Тоҷикистон Аскар Ҳаким зикр намуд, ки «Истиқлолияти  Ҷумҳурии Тоҷикистон замоне баст омад, ки дигар кишварҳои дигар ҳам аз ҳамин гуна неъмат дар Иттиҳоди Ҷумҳурии Шӯравӣ бархурдор шуданд, аммо дар он замон ба сари миллати тоҷик баъд аз расидан ба Истиқлолияти давлатӣ фоҷиаи бисёр сахт омад, ки ин оғози ҷанги шаҳрвандӣ буд. Хушбахтона, фарзандони фарзонаи миллат бо сарварии Пешвои миллат муҳтарам Эмомалӣ Раҳмон ин ҷангро хомӯш намуданд.  Ҳамин аст, ки аз ҳамон вақт инҷониб миллати тоҷик дар фазои сулҳу оромӣ умр ба сар бурда истодааст.  Аз-ин рӯ месазад, ки мо шаҳрвандон қадри ин зиндагии шоистаро донем».

Ба гуфти шоири ватансаро Абдуллои Раҳнамо, «аслан калимаи тараннум ба маънои лаҳни зебо,  бо садои хуб, бо оҳанги латиф васф кардани чизест. Имрӯз мо бузургтарин муқаддасоти худ- Истиқлолияти давлатиро тараннум мекунем, яъне ба ин маъно, ки мо дар партави истиқлол зиндагӣ дорем».

Мавсуф ҷашни Истиқлолияти давлатиро модари тамоми ҷашнҳои миллии халқи тоҷик арзёбӣ намуда, таъкид намуд, ки ин ҷашни таърихиро ҳар оилаи мамлакат бояд дар хонавода дар сатҳи баланди ватандӯстиву хештаншиносӣ ҷашн бигирад, то дар хотираи фарзандони онҳо ин сана нақш бандад ва ҳаргиз онро фаромӯш накунанд.

АКС аз Кумитаи кор бо ҷавонон ва варзиши назди Ҳукумати ҶТ

Сентябрь 4, 2021 09:10

Хабарҳои дигари ин бахш

БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Дар Ҳисор лавҳаи рамзии «Водии зарнисор» ифтитоҳ шуд
ВАТАНАМОНРО ОБОД МЕСОЗЕМ! Роҳи маҳаллаи Рӯдакии Ҷамоати шаҳраки Ҳисор мумфарш мегардад
Дар Бадахшон барномаи мусоидат ба шуғли аҳолӣ ва омодагӣ ба ҷашни 35-солагии Истиқлолияти давлатӣ баррасӣ шуд
Дар маркази ноҳияи Шуғнон сохтмони майдони Парчами давлатӣ оғоз ёфт
БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. 5 км роҳи деҳаи Шаҳрисабзи Ҷамоати деҳоти Регари шаҳри Турсунзода мумфарш карда шуд
ОСОРХОНАИ ТАЪРИХИИ ШАҲРИ ДУШАНБЕ. Ҳафт калиди тиллоии рамзии он ишора ба ҳафт шаҳри қаламрави имрӯзаи Тоҷикистон аст
БА ИСТИҚБОЛИ 30-СОЛАГИИ ИҶЛОСИЯИ XVI ШӮРОИ ОЛӢ. Адолат Раҳмонова: «Бузургӣ ва марди худодод будани Эмомалӣ Раҳмон аз ҳамон лаҳзаҳо аллакай ҳувайдо буд»
ЭҲЁ ВА РУШДИ ЗАБОНИ ДАВЛАТӢ ДАР ПАРТАВИ СИЁСАТИ ФАРҲАНГИИ ПЕШВОИ МИЛЛАТ. Ба Рӯзи забони давлатии Ҷумҳурии Тоҷикистон бахшида мешавад
ҲАДИСИ МУСАВВАР. Роҳи мошингарди деҳаи Ориёно то шаҳраки Москваи ноҳияи Мир Сайид Алии Ҳамадонӣ мумфарш мегардад
БА ИСТИҚБОЛИ ҶАШНИ 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Рашт 5 бунгоҳи тиббӣ мавриди истифода қарор гирифт
Дар ноҳияи Дарвоз муҷассамаҳои арбобони шинохтаи санъати тоҷик гузошта мешаванд
БА ИСТИҚБОЛИ ҶАШНИ 35-СОЛАГИИ ИСТИҚЛОЛИЯТИ ДАВЛАТӢ. Дар Шаҳринав мумфаршкунии роҳҳо оғоз гардид