Варзишгарони тоҷик дар панҷ рӯзи аввалин Бозиҳои кишварҳои ИДМ соҳиби 10 медал шуданд
ДУШАНБЕ, 07.09.2021 /АМИТ «Ховар»/. Дар панҷ рӯзи мусобиқоти аввалин Бозиҳои кишварҳои ИДМ варзишгарони Ҷумҳурии Тоҷикистон сазовори 10 медал – 6 нуқра, 4 биринҷӣ шуданд, хабар дод намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон.
6 сентябр мусобиқа оид ба кураши қазоқӣ баргузор шуд, ки паҳлавонони тоҷик 3 медал гирифтанд: Хуршедшоҳ Каримзода (-60кг), Ҳоҷиакбар Тошмуродов (-80кг) медалҳои нуқра, Қурбоналӣ Охунов (-75кг) медали биринҷӣ. Қаблан варзишгарони мо дар гӯштини юнонӣ-римӣ 2 медал, дар гӯштини тарзи озод- 2 медал, дар намуди бокс- як медал, дар гӯштини камарбандӣ ду медал ба даст оварданд.
Мусобиқоти бокс ва гӯштин қабл аз маросими кушодашавӣ шурӯъ гардиданд. Паҳлавонони тоҷик 3 сентябр дар гӯштини юнонӣ-римӣ 2 медал ба даст оварданд. Фирӯз Мирзораҷабов дар вазни -60кг медали нуқра, Асламҷон Азизов дар вазни -55кг медали биринҷӣ гирифтанд.
4 сентябр мусобиқа оид ба гӯштини тарзи озод сурат гирифт, ки ду варзишгари мо – Муҳаммад Икромов дар вазни -61кг ва Мустафо Ахмедов дар вазни -70кг сазовори медали нуқра шуданд. Медали дигари нуқраро Нурланбек Эрматов дар намуди бокс, дар вазни -75кг ба даст овард. 5 сентябр дар гӯштини камарбандӣ ду варзишгари Тоҷикистон – Фирӯзҷон Зиёев дар вазни -68кг ва Дилшод Қурбонов дар вазни -82кг соҳиби ду медали биринҷӣ гардиданд.
Ҳамин тариқ, шумораи медалҳои дастаи мунтахаби Тоҷикистон ба 10 адад – 6 нуқра, 4 биринҷӣ – расид.
Дар аввалин Бозиҳои кишварҳои ИДМ беш аз 1000 варзишгар аз 9 кишвар: Арманистон, Беларус, Қазоқистон, Қирғизистон, Молдова, Озарбойҷон, Россия, Тоҷикистон ва Узбекистон иштирок доранд.
Ёдовар мешавем, ки дар аввалин Бозиҳои кишварҳои ИДМ, ки то 11 сентябр идома меёбанд, аз Ҷумҳурии Тоҷикистон 51 варзишгар аз рӯи 11 намуди варзиш ширкат доранд.
АКС аз КМО Тоҷикистон
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
