«ЗИНДА БОД АҲМАД МАСЪУД!». Дар Афғонистон бар зидди толибон эътирозҳои оммавӣ доир шуданд

Сентябрь 7, 2021 12:54

ДУШАНБЕ, 07.09.2021 /АМИТ  Ховар»/. Шаби 7 сентябр дар чанд шаҳри Афғонистон ҳамоишҳои оммавӣ ба ҷонибдории неруҳои муқовимати миллӣ дар вилояти Панҷшери шимоли Афғонистон баргузор шуданд, иттилоъ медиҳад рӯзномаи  маҳаллии «Герат таймс».

Сокинони шаҳрҳо ҳамин тавр ба ҷабҳаи муқовимат, ки ба ҳаракати радикалии “Толибон” итоат намекунад, изҳори ҳамбастагӣ карданд. Хабар дода мешавад, ки афғонҳо дар Кобул даъвати роҳбари ҷабҳаи муқовимат Аҳмад Масъудро барои муқовимат бо толибон, инчунин зидди сиёсати мақомоти Покистон, ки бо радикалҳо ҳамкорӣ мекунад, дастгирӣ карданд. Илова бар ин, эътирозҳои мардумӣ дар музофоти марказии Дайкундӣ, инчунин дар шаҳрҳои Ғазнӣ ва Ҳирот дар шарқ ва шимолу ғарби Афғонистон баргузор шуданд.

Бино ба иттилои як расонаи дигари афғонӣ- “Афғонистон таймс”, раопаймоии оммавӣ дар чаҳорумин шаҳри бузурги ин кишвар- Мазори Шариф, воқеъ дар шимоли кишвар баргузор шуд. Эътирозкунандагон алайҳи толибон ва Покистон шиорҳо бардошта, бо овози баланд «Зинда бод Аҳмад Масъуд!» нидо карданд. Хабар дода мешавад, ки ҳангоми ҳодисаҳои эътирозӣ ягон воқеа рух надодааст. Ҳамзамон маълум гардид, ки собиқ сардори раёсати амнияти миллии Афғонистон Раҳматуллоҳ Набил эътирозгаронро ҷонибдорӣ намуд.

«Покистон душмани Афғонистон буд ва боқӣ мемонад. Шӯриш алайҳи мақомоти Покистон вазифаи миллӣ ва масъулияти ҳар шаҳрванди Афғонистон аст», — навиштааст Набил дар саҳифаи “Твиттер”-и  худ.

Ёдовар мешавем, ки чанде қабл намояндаи толибон Забеҳулло Муҷоҳид гуфта буд, ки Панҷшер комилан таҳти назорати толибон аст, аммо Масъуди хурдӣ эълом дошт, ки муқовимат бо радикалҳо идома дорад ва ҳамаи сокинони Афғонистонро ба шӯриши миллӣ даъват мекунад.  Аммо намояндаи ҷабҳаи мардумӣ Алӣ Майсам Назарӣ гуфт, ки ҳоло муқовимат ба тактикаи ҷанги партизанӣ мегузарад.

_________________________________

*Ҳаракати «Толибон» созмони террористии мамнӯъ дар Тоҷикистон ва дигар кишварҳо

  АКС: аз манбаъҳои боз

Сентябрь 7, 2021 12:54

Хабарҳои дигари ин бахш

Дар ноҳияи Бобоҷон Ғафуров ва шаҳри Хуҷанд афсарону сарбозон аёдат карда шуданд
Кумитаҳои давлатии амнияти миллии Тоҷикистон ва Қирғизистон протоколи қатъи муноқишаи марзиро ба имзо расониданд
ҲАМЛАИ ТАҶОВУЗКОРОНАИ ҚИРҒИЗИСТОН. Коршинос дар бораи мусоҳибаи дирӯзаи Садир Жапаров изҳори назар кард ва оҳанги гуфтори ӯро «сиёҳ» хонд
ҲАМЛАИ ТАҶОВУЗКОРОНАИ ҚИРҒИЗИСТОН. Прокуратураи генералии Тоҷикистон нисбат ба гурӯҳи низомиён ва шаҳрвандони қирғиз парвандаи ҷиноятӣ оғоз кард
ҲАМЛАИ ТАҶОВУЗКОРОНАИ ҚИРҒИЗИСТОН. Дар шаклу шеваи бархӯрди кишвари ҳамсоя ҳадафу мақсадҳои дигар ниҳонанд,- Рустам Латифзода
«ҶОН БА РАҲИ ВАТАН НИСОР, МАН НАКУНАМ, КӢ МЕКУНАД?». Дар Вазорати мудофиа ҷаласаи комиссияи даъвати ҷумҳуриявӣ доир шуд
ПРОТОКОЛ БА ИМЗО РАСИД. Мулоқоти навбатии гурӯҳҳои кории Тоҷикистон ва Қирғизистон баргузор гардид
ОҚИБАТИ ҲАМА ГУНА ҶАНГ СУЛҲ АСТ. Коршиноси масоили сиёсӣ Зубайдулло Давлатов ҳамлаи таҷовузкоронаи Қирғизистонро маҳкум сохт
ҲАМЛАИ ТАҶОВУЗКОРОНАИ ҚИРҒИЗИСТОН. Шаҳрвандони солимфикри қирғиз аз иқдомоти саркардагони ҳодисаҳои марзӣ розӣ нестанд
ҚАМЧИБЕК ТАШИЕВ КИСТ? Посухи дипломати тоҷик ба ин суол
ҲАМЛАИ ТАҶОВУЗКОРОНАИ ҚИРҒИЗИСТОН. Бо дастури Пешвои миллат барои табобати сокинон ва низомиёни дар муноқишаҳои марзӣ зарардида табибони варзида ҷалб гардиданд
ҲАМЛАИ ТАҶОВУЗКОРОНАИ ҚИРҒИЗИСТОН. Гурӯҳи корӣ дар Исфара теъдоди иншоот ва манзилҳои истиқоматии харобгаштаро муайян мекунад