Ҷабҳаи муқовимати миллии Афғонистон барои пешбурди фаъолият дар ИМА расман сабти ном шуд

Октябрь 29, 2021 16:02

ДУШАНБЕ, 29.10.2021 /АМИТ «Ховар»/. Дар ИМА Ҷабҳаи муқовимати миллии Афғонистон (ҶММ) расман сабти ном шуд. Дар Вашингтон дафтари байналмилалии ҶММ ифтитоҳ ёфт, хабар медиҳад АМИТ «Ховар» бо истинод ба портали иттилоотии амрикоии Axios.

«Ҷабҳаи муқовимати миллӣ (ҶММ), ки ба ҳаракати радикалии Толибон*, ки қудратро дар Афғонистон ба даст овардааст, муқовимат мекунад, намояндагии худро дар ИМА ҳамчун дафтари хориҷӣ сабти ном кард, ки ба фаъолияти лоббигӣ машғул шуда, сиёсатмадорони амрикоиро барои пуштибонӣ аз мухолифони афғон мутақоид месозад», — менависад портали амрикоӣ бо истинод ба санади бақайдгирии дахлдор.

Дар матни санад омадааст, ки намояндагӣ «тавассути тамосҳои фаъол бо Конгресс, маъмурият ва мардуми Амрико аз ҷонибдорӣ ба озодӣ ва демократия дар Афғонистон ҳимоят мекунад». Дар санад гуфта мешавад, ки ҷунбиши муқовимат дар Афғонистон мехоҳад «муҳофизи сармоягузориҳои Амрико дар Афғонистон дар 20 соли ахир ва неруе бошад, ки ин кишварро аз таҳаммулнопазирӣ ва терроризм пок созад».

«Дафтари байналмилалии Ҷабҳаи муқовимати миллии Афғонистон барои ифтитоҳи расмӣ дар Амрико иҷозат гирифт ва ба зудӣ фаъолияти худро дар саросари ҷаҳон густариш хоҳад дод», — навиштааст сухангӯи Ҷабҳаи муқовимати миллии Афғонистон Алӣ Майсам Назарӣ дар Твиттераш.

АМИТ «Ховар» ёдовар мешавад, ки қаблан сенатори ҷумҳурихоҳ Линдси Грэм ва узви Маҷлиси намояндагони Конгресси ИМА аз ҳамон ҳизб Майк Волтс аз Президенти ИМА Ҷо Байден даъват карданд, ки роҳбари ҶММ Аҳмад Масъуд ва собиқ муовини президент Амрулло Солеҳро ба ҳайси намояндагони ҳукумати қонунии Афғонистон эътироф намояд. Зикр гардид, ки маъмурияти Байден ҳеҷ далеле нишон надодааст, ки нияти ин корро кардан дорад. Бино ба «Axios», бақайдгирии намояндагии ҷабҳа  дар ИМА шаҳодат медиҳад, ки мухолифини афғон кӯшиш доранд аз сӯи ҳукуматдорони калидии Вашингтон дастгирӣ ёбанд. Тавре ин портали амрикоӣ менависад, кумаки ИМА «барои ҳама гуна муқовимати низомии боқимонда» ба толибон дар Афғонистон муҳим аст.

Тавре аллакай «Afghanistan.ru» хабар дод, ҳафтаи гузашта дар шабакаи интернет паёми видеоии роҳбари Ҷабҳаи муқовимати миллӣ Аҳмад Масъуд пайдо шуд. Масъуд эълон намуд, ки ҶММ акнун дар вилояти Парвон ҷанги партизанӣ хоҳад кард. Илова бар ин, ҶММ аз ҳузури тарафдоронаш дар вилоятҳои Каписо, Балх, Бағлон ва Бадахшон хабар дод.

_________________________________

*Толибон – ҳаракати мамнуъ дар Тоҷикистон ва сойири кишварҳо

                                   АКС аз манбаъҳои боз

Октябрь 29, 2021 16:02

Хабарҳои дигари ин бахш

Дар Душанбе масъалаи арзёбии фаврӣ ва ҳамоҳангсозии ҳолатҳои фавқулода баррасӣ гардид
Вохӯрии дуюми котибони шуроҳои амнияти давлатҳои Осиёи Марказӣ дар Самарқанд баргузор шуд
Бо истифода аз барномаи «Нозири минтақавии ман» шаҳрвандон метавонанд нозири минтақавии худро шиносанд
ПУРСИДЕД, ҶАВОБ МЕДИҲЕМ. Киҳо хуқуқи дар сафи Қувваҳои Мусаллаҳи Ҷумҳурии Тоҷикистон хизмат карданро доранд?
Дар шаҳри Бӯстон нақшаи даъвати баҳорӣ ба сафи Қувваҳои Мусаллаҳ иҷро гардид
Дар Тоҷикистон нақшаи даъвати баҳорӣ ба сафи Артиши миллӣ беш аз 80 фоиз иҷро шуд
ИМРӮЗ — РӮЗИ ҚӮШУНҲОИ ДОХИЛИИ ТОҶИКИСТОН. Хизматчиёни ин сохтори низомӣ дар таъмини суботу оромӣ саҳми назаррас доранд
Ба 60 нафар даъватшаванда дар ноҳияи Мастчоҳ шаҳодатномаи ронандагӣ супорида шуд
Дар Раёсати иҷрои ҷазои ҷиноятӣ дар вилояти Суғд иншооти нав ифтитоҳ гардид
Модарони Файзобод бо дуо ва суханҳои нек муҳофизони Ватанро ба сафи Артиши миллӣ гусел намуданд
Дар ноҳияи Рӯдакӣ сафи ихтиёриён барои рафтан ба хизмати ҳарбӣ меафзояд
Даъватшавандагони Шаҳринав сарбаландона ба хизмати ҳарбӣ гусел карда шуданд