Аз 8 то 12 ноябр даври ниҳоии Озмуни ҷумҳуриявии «Тоҷикистон — Ватани азизи ман» доир мешавад

Октябрь 26, 2021 10:04

ДУШАНБЕ, 26.10.2021 /АМИТ «Ховар»/. Аз 8 то 12 ноябри соли равон дар Театри давлатии академии опера ва балети ба номи Садриддин Айнӣ даври ниҳоии Озмуни ҷумҳуриявии «Тоҷикистон–Ватани азизи ман», ки   ба 30-солагии Истиқлоли давлатии Ҷумҳурии Тоҷикистон бахшида шудааст,  доир мегардад, хабар доданд аз Вазорати фарҳанги мамлакат ба АМИТ «Ховар».

«Маросими ҷоизасупорӣ ва барномаи фарҳангӣ бо иштироки ғолибони озмуни мазкур  16 ноябри соли равон  дар Театри давлатии академии опера ва балети ба номи Садриддин Айнӣ муқаррар гардидааст. Аз довталабони даври ниҳоии Озмуни ҷумҳуриявии «Тоҷикистон–Ватани азизи ман» дархост карда мешавад, ки 7 ноябри соли равон, соати 14:00 дар театри мазкур  аз қайд гузаранд, -афзуд манбаъ.

Мавриди  зикр аст, ки баргузории озмуни мазкур тибқи Низомнома ҷараён гирифта, ҳайати ҳакамон аз масъулони бахши фарҳанг ва фарҳангшиносони вилояту ноҳияҳо иборат мебошад. Дар озмуни имсола аз рӯйи раддабандии синнусолӣ (барои иштирокчиёни гурӯҳи касбӣ) ба таври зайл тақсим гардидааст:  аз 12 то 17- сола ва   аз 18 то 40-сола. Аз ин рӯ ҳайати  ҳакамон низ ба ду гурӯҳ ҷудо гардидаанд.

Бояд гуфт, ки даври аввали озмуни мазкур аз 17 май дар 25 шаҳру ноҳияҳои мамлакат баргузор гардиданд. Даври дуюми Озмуни ҷумҳуриявии «Тоҷикистон — Ватани азизи ман» аз 26 то 31 июли соли равон дар вилояти Хатлон,  аз 27 то 31 июли соли равон Вилояти Мухтори Кӯҳистони Бадахшон, аз 2 то 6 августи соли равон дар шаҳри Хуҷанди вилояти Суғд, аз 3 то 5 августи соли равон дар ноҳияҳои тобеи ҷумҳурӣ (ноҳияҳои водии Рашт то шаҳри Роғун), аз 9 то 12 августи соли равон дар ноҳияҳои тобеи ҷумҳурӣ (аз ноҳияи Файзобод то шаҳри Турсунзода) баргузор  шуданд.

Ёдовар мешавем, ки корҳои ташкилӣ барои баргузор кардани даври якум ва дуюми озмун ба зиммаи мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳои Суғду Хатлон, шаҳри Душанбе, шаҳри Ҳисор ва ноҳияи Рашт вогузор гардидааст.

Ҳадаф аз баргузории озмуни мазкур  дарёфти истеъдодҳои нави соҳаи санъат, рушди минбаъдаи малакаву маҳорати касбии онҳо, баланд бардоштани мақому маҳорати касбӣ, тақвият бахшидан ба касбияти баланди ҳунари иҷрокунандагӣ ва эҷоди асарҳои нави мусиқӣ, дарёфти беҳтарин намунаҳои оҳанг ва сурудҳои тараннумгари дастовардҳои замони Истиқлоли давлатӣ, саҳми Президенти Ҷумҳурии Тоҷикистон дар бунёди давлатдории навини тоҷикон ва тарғибу ташвиқи анъанаҳои арзишманди миллию мероси пурғановати ниёгон мебошад.

Хотиррасон мешавем, ки  Озмуни ҷумҳуриявии «Тоҷикистон-Ватани азизи ман» соли сеюм аст, ки дар мамлакат баргузор мегардад. Дар ин сол барои баргузории озмуни мазкур 2 540 000 (ду миллиону панҷсаду чил ҳазор) сомонӣ ҷудо гардидааст.

Октябрь 26, 2021 10:04

Хабарҳои дигари ин бахш

«ПРЕЗИДЕНТ – ҲОМИИ МИЛЛАТ». Таҳти чунин унвон дар Китобхонаи миллии Тоҷикистон ҳамоиш доир шуд
Аз номи Сергей Лебедев барои дар сатҳи баланд баргузор намудани Анҷумани VI омӯзгорон ва кормандони маорифи кишварҳои ИДМ дар Душанбе номаи сипос расид
ХАБАРИ ХУШ! Номинаҳои 2500-солагии шаҳраки қадимаи Тахти Сангин ва 1050-солагии Абурайҳони Берунӣ ба Феҳристи ҷашнвораҳои ЮНЕСКО барои солҳои 2022-2023 шомил гардиданд
ТАСС: Вазорати маориф ва илми Тоҷикистон ба Русия пешниҳод намудааст, ки китобҳои дарсии забони русиро ба мактабҳо мутобиқ созад
«Пешвои миллат ва таҳкими нуфузи байналмилалии Тоҷикистон», — шарҳи матбуоти даврии Тоҷикистон
ЁДГОРИИ МЕЪМОРИИ МАНСУБ БА ДАВРАИ АНТИҚА. Бостоншиносони Тоҷикистон ва Фаронса аз пойсутун ва ҷузъи сутуни деҳаи Пушинги Данғара дидан намуданд
Гулчеҳра Қоҳирова: Астероиди 4660 Nereus барои Замин ягон хатар надорад
РУСИЯ ҚОИДАҲОИ НАВИ ИМЛОИ ЗАБОНИ РУСИРО ТАҲИЯ НАМУД. Қаблан ба қоидаҳои имлои забони тоҷикӣ низ тағйирот ворид шуда буд
Мактаб-интернати ҷумҳуриявии кӯдакони ятим дар шаҳри Кӯлоб ба давраи зимистон омода мебошад
Рустам Ҷабборов барои таҳия ва эҷоди филмномаи «Ҷомӣ ва Навоӣ» ба Душанбе омад
39 хонандаи шаҳри Душанбе дар Олимпиадаи байналмилалии Анталия соҳиби ҷойҳои ифтихорӣ шуданд
Китоби «Пешвои миллат ва сиёсати давлатии забон» ба нашр расид