«ДАР ҶАВОНӢ ДОР ПИРОНРО АЗИЗ…». 1 октябр — Рӯзи байналмилалии куҳансолон

Октябрь 1, 2021 10:55

ДУШАНБЕ, 01.10.2021 /АМИТ «Ховар»/.Ҳамасола 1 октябр бо қарори Ассамблеяи генералии СММ  Рӯзи байналмилалии пиронсолон (ё худ одамони калонсол -«International Day of Older Persons») ҷашн гирифта мешавад.  Ин рӯз 14 декабри соли 1990 эълон гардида, дар Тоҷикистон он аввалин маротиба соли 1993 ҷашн гирифта шуд. Рўзи байналмилалии пиронсолон бо ташаббуси собиқ Вазорати ҳифзи иҷтимоии аҳолии Ҷумҳурии Тоҷикистон ва дастгирии бевоситаи Сарвари давлат муҳтарам Эмомалӣ Раҳмон дар саросари ҷумҳурӣ, бахусус дар тамоми муассисаҳои низоми ҳифзи иҷтимоӣ ва хадамоти хизматрасонии иҷтимоӣ таҷлил мегардад. Дар сатҳи маҳаллӣ барномаи дастгирии иҷтимоии пиронсолон «Ғамхорӣ» қабул гардид.

Мақсад аз эълон намудани ҷашни мазкур ҷалб намудани таваҷҷуҳи  ҷомеа ба мушкилиҳои одамони куҳансол,  масъалаҳои пиршавии аҳолӣ ва ҳамчунин пайдо намудани имконият ҷиҳати беҳтар намудани сифати зиндагии нафақахўрон мебошад. Дар ибтидо Рўзи пиронсолон дар Аврупо, баъдан дар Амрико ва дар охирҳои солҳои 90-ум аллакай дар тамоми ҷаҳон таҷлил карда мешуд.

Тавре сардори Раёсати ҳифзи иҷтимоии Вазорати тандурустӣ ва ҳифзи иҷтимоии аҳолии  Ҷумҳурии Тоҷикистон Қудратулло Қурбонов зимни яке аз суҳбатҳои худ бо хабарнигори АМИТ «Ховар» иброз дошт, пиронсол  гуфта, шахсеро меноманд, ки ба синни нафақа расидааст. Чун анъана давраи пиронсолӣ асосан аз синни 75 боло фаҳмида мешавад.

«Агар инсон солим, тавонманду бардам буда, қувваи корӣ дошта бошад ва  дар ҳаёти ҷамъиятӣ иштирок намояд, пиронсолӣ барои ў мафҳуми шартӣ маҳсуб мешавад»,- мегӯяд Қудратулло Қурбонов.

Ҳоло дар мамлакат беш аз 90  муассисаи иҷтимоие мавҷуданд, ки бевосита ба масъалаҳои пиронсолон ва маъюбон сару кор доранд. Дар Вазорати тандурустӣ ва ҳифзи иҷтимоии аҳолии  Ҷумҳурии Тоҷикистон  6 маркази минтақавиии хизматрасонии иҷтимоӣ, 41 шуъбаи хизматрасонии иҷтимоӣ барои пиронсолон ва маъюбони  бекасу танҳо фаъолият мекунанд. Инчунин дар тамоми шаҳру ноҳияҳои ҷумҳурӣ  бахшу шуъбаҳои ҳифзи иҷтимоии  аҳолӣ  фаъолият доранд, ки вазифаи асосии онҳо  ҳифзи иҷтимоии ин қишри аҳолӣ мебошад. Бар замми ин,  барои ин  қишри ҷомеа кумакҳои якдафъаина ва ҳармоҳаи унвонӣ  пешбинӣ шудаанд.

Тавре бузурге мефармояд:

Дар ҷавонӣ дор пиронро азиз,
То азизи дигарон гардӣ ту низ.

Ёдовар мешавем, ки дар Тоҷикистон ҳуқуқи аҳолии калонсол тибқи моддаи 39-и Конститутсияи Ҷумҳурии Тоҷикистон ҳимоя мешавад. Дар он омадааст, ки  ҳар шахс дар пиронсолӣ, ҳангоми беморӣ, маъюбӣ, гум кардани қобилияти кор, маҳрум шудан аз сарпараст ва мавридҳои дигаре, ки қонун муайян кардааст, кафолати таъмини иҷтимоӣ дорад.

 

Холисаи АСОМИДДИН,
АМИТ «Ховар»

АКС аз бойгонии АМИТ «Ховар»

Октябрь 1, 2021 10:55

Хабарҳои дигари ин бахш

Фестивали чоруми дӯстии ҷавонони шаҳри Душанбе баргузор гардид
«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад