Дар Душанбе мусобиқаи «Пӯшидашавии мавсими мототсиклронӣ-2021» баргузор мешавад

Октябрь 11, 2021 09:12

 ДУШАНБЕ, 11.10.2021. /АМИТ «Ховар»/. 16 октябр дар Муассисаи давлатии «Наврӯзгоҳ»-и шаҳри Душанбе мусобиқаи «Пӯшидашавии мавсими мототсиклронӣ-2021» баргузор мегардад. Дар ин бора қарори Раиси шаҳри Душанбе муҳтарам Рустами Эмомалӣ 8 октябр ба тасвиб расидааст, хабар  доданд аз шуъбаи иттилоотии дастгоҳи Раиси шаҳри Душанбе ба АМИТ «Ховар».

Мусобиқаи мазкур аз ҷониби клуби мототсиклронҳои «Ирбис МСС Тоҷикистон» 16 октябр аз соати 12:00 то соати 14:00  баргузор гардида, мақсад аз он дастгирӣ намудани ташаббуси ҷомеаи шаҳрвандӣ мебошад.

Дар ин рӯз ҳаракати қатораи иштирокчиён бо роҳнамоии автомобилҳои роҳбонии шуъбаи Бозрасии давлатии автомобилии Раёсати Вазорати корҳои дохилии Ҷумҳурии Тоҷикистон дар шаҳри Душанбе аз хиёбони Ҳофизи Шерозӣ ба самти кӯчаи Карамов — хиёбони Рӯдакӣ, гардиш ба тарафи рост то чорроҳаи хиёбони Рӯдакӣ — кӯчаи Бухоро, гардиш ба кӯчаи Бухоро — Турсунзода, гардиш ба тарафи рост — кӯчаи Шоҳтемур, ҳаракат то роҳи ҳалқавии гардиши Ҷамъияти саҳомии кушодаи «Комбинати хӯроквории Тоҷикистон» ва баромад ба кӯчаи Дӯстии халқҳо то Муассисаи давлатии «Боғи «Ғалаба» ва нигоҳдории ҷангал»-и мақомоти иҷроияи ҳокимияти давлатии шаҳри Душанбе ба роҳ монда мешавад.

АКС аз бойгонӣ

Октябрь 11, 2021 09:12

Хабарҳои дигари ин бахш

Дар Душанбе имрӯз расман мавсими нави гармидиҳӣ оғоз гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе ин иди бостонӣ ва миллии мо бо шукӯҳу шаҳомати хосса таҷлил гардид
МЕҲРГОН — ҶАШНИ ТИРАМОҲИИ СОЛ. Пагоҳ дар Душанбе иди ҳосилот ва кишоварзон таҷлил мегардад
Дар асоси хулосаи шуъбаи Хадамоти зиддиинҳисорӣ ҳаққи роҳкиро дар шабакаи хатсайрҳои шаҳри Душанбе тағйир меёбад
Рустами Эмомалӣ: Татбиқи босамари ислоҳоти иқтисодӣ имкон дод, ки иқтисодиёти Тоҷикистон муназзам рушд намояд
Дар ноҳияи Сино бо мақсади тарғиби ҳаёти солим майдончаи варзишӣ ба истифода дода шуд
«ДУШАНБЕ — ШАҲРИ ГУЛРЕЗ» . Таҳти ин ном дар пойтахт озмуни гулҳо доир мегардад
ДУШАНБЕРО БА ШАҲРИ ГУЛРЕЗ ТАБДИЛ МЕДИҲЕМ! Муроҷиатномаи Раиси шаҳри Душанбе ба сокинони пойтахт
«МЕҲРГОН ОМАД, АЗИЗОН, МЕҲРУБОНИҲО КУНЕД…». 17 октябр дар Душанбе Иди Меҳргон бо шукуҳи хосса таҷлил мегардад
Дар Душанбе беҳтарин лоиҳаҳои меъморӣ ва шаҳрсозии давлатҳои ИДМ намоиш дода мешаванд
Дар шаҳри Душанбе Рӯзи забони давлатӣ ботантана таҷлил гардид
Дар Душанбе ба муносибати Рӯзи омӯзгор чорабинии идонаи бошукӯҳ баргузор гардид