Дар Душанбе Намоиш-озмуни байналмилалӣ ва Форуми меъморони Тоҷикистон оғоз гардид
ДУШАНБЕ, 08.10.2021 /АМИТ «Ховар»/. Имрӯз дар Театри давлатии опера ва балети ба номи Садриддин Айнии шаҳри Душанбе бахшида ба 30-солагии Истиқлолияти давлатии Ҷумҳурии Тоҷикистон ва Соли меъморӣ ва шаҳрсозӣ дар Иттиҳоди давлатҳои Мустақил дар соли 2021 Намоиш-озмуни байналмилалӣ таҳти унвони «Беҳтарин лоиҳаҳои меъморӣ ва шаҳрсозии давлатҳо-аъзои Иттиҳоди Давлатҳои Мустақил» ва Форуми меъморони Тоҷикистон баргузор гардид, хабар медиҳад хабарнигори АМИТ «Ховар» аз ҷараёни баргузории Намоиш-озмуни байналмилалӣ.
Дар кори намоиш-озмун ва форум мутахассисони соҳаи меъморӣ ва шаҳрсозии давлатҳои аъзои Иттиҳоди Давлатҳои Мустақил, роҳбарон ва кормандони Кумитаи меъморӣ ва сохтмони назди Ҳукумати Ҷумҳурии Тоҷикистон, Иттифоқи меъморони Тоҷикистон, Донишгоҳи техникии Тоҷикистон ба номи академик М.Осимӣ, собиқадорони соҳа ва дигар субъектҳои фаъолияти шаҳрсозии ҷумҳурӣ иштирок намуданд.
Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Маҳмадсаид Зувайдзода аз талошҳои софдилонаи меъморони кишвар сухан намуда, иброз дошт, ки бо заҳмати сохтмончиёни ватанӣ ба ифтихори ҷашни 30-солагии Истиқлолияти давлатии Ҷумҳурии Тоҷикистон зиёда аз 23 ҳазор иншоот, аз ҷумла биноҳои истиқоматӣ, муассисаҳои тиббӣ, таълимӣ, хизматрасонӣ, маданиву маишӣ, боғҳои фарҳангиву фароғатӣ ба истифода дода шуданд, ки ин ҳама саҳми арзанда дар рушди иқтидори иқтисодии кишвар ва ободии ватан мебошад.
Ба гуфтаи Раиси кумита, “мо бояд раванди созандагиву бунёкориро минбаъд низ ҳадафи асосии худ қарор дода, истифодаи самараноки ҳамаи воситаҳову захираҳои мавҷударо барои идома додани корҳои созандагӣ, рушди устувори иқтисодӣ, ободии диёр ва таҳкими имконияти воқеии кишварамон таъмин намоем”.
Форуми мазкур ду рӯз идома ёфта, дар рӯзи аввали баргузории он дар толори Театри давлатии опера ва балет намоиш-озмуни IX ҷумҳуриявии «Беҳтарин асарҳои меъморӣ» ва намоиш-озмуни XXIX «Беҳтарин лоиҳаҳои меъморӣ ва шаҳрсозии давлатҳо-аъзои Иттиҳоди Давлатҳои Мустақил» доир гардид.
Пагоҳ, дар рӯзи дуюми форум тибқи муқаррароти баргузории намоиш-озмуни XXIX байналхалқӣ: «Беҳтарин лоиҳаҳои меъморӣ ва шаҳрсозии давлатҳо-аъзои Иттиҳоди Давлатҳои Мустақил» ва намоиш-озмуни IX ҷумҳуриявӣ- «Беҳтарин асарҳои меъморӣ» ба беҳтарин асарҳои меъмории пешниҳодгардида ҷоизаҳо эъто мешаванд.
АКСҲО аз АМИТ «Ховар»
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
Дар Шанхай масъалаи таъсиси кластери саноатии металлҳои ранга дар вилояти Суғд баррасӣ шуд
Ҳолатҳои ҳуқуқвайронкунии гумрукӣ дар Тоҷикистон коҳиш ёфтаанд
Байни Кумитаи бехатарии озуқавории Тоҷикистон ва Вазорати озуқаворӣ, кишоварзӣ ва саноати сабуки Муғулистон Ёддошти тафоҳум ба имзо расид
