Дар Суғд бахшида ба Рӯзи Конститутсия ва Рӯзи милитсия мусобиқаи варзишӣ оғоз шуд
ДУШАНБЕ, 25.10.2021 /АМИТ «Ховар»/. Бахшида ба Рӯзи Конститутсия ва Рӯзи милитсия миёни дастаҳои шуъбаву хадамоти дастгоҳи марказии Раёсати Вазорати корҳои дохилии Ҷумҳурии Тоҷикистон дар вилояти Суғд мусобиқаи даставии футбол оғоз гардид, ки дар он 12 даста номнавис шудаанд, хабар медиҳад АМИТ «Ховар» бо истинод ба Вазорати корҳои дохилӣ.
Маросими ифтитоҳи мусобиқа бо иштироки роҳбарияти раёсат ва ҳайати дастаҳо 20 октябр дар майдончаи футболи хурди «Варзишгоҳи 20- солагии Истиқлолият»-и шаҳри Хуҷанд баргузор гардид.
Зимни мусобиқаи дастаҳои шуъбаи ташхиси криминалистӣ ва шуъбаи мубориза бар зидди гардиши ғайриқонунии маводи мухаддир футболбозони дастаи шуъбаи мубориза зидди гардиши ғайриқонунии маводи мухаддир нисбат ба ҳарифон маҳорати хуби варзишӣ нишон дода, бо ҳисоби 8:2 пирузӣ ба даст оварданд. Ҳамин тариқ, бозӣ миёни дастаҳои шуъбаи кадрҳо ва шуъбаи ҳифзи тартиботи ҷамъиятӣ бо ҳисоби 3:2 бо ғолибияти шуъбаи кадрҳо хотима ёфт.
Мусобиқа аз рӯи системаи даврӣ гузаронида шуда, ҳамарӯза ташкили се бозӣ дар назар аст. Мураббиёни Федератсияи футболи хурди вилояти Суғд ва кормандони минтақавии Шӯрои ҷумҳуриявии «Динамо»-и ВКД мусобиқаро доварӣ хоҳанд кард.
Мусобиқа дар арафаи Рӯзи милитсия, ки ҳамасола 10 ноябр ҷашн гирифта мешавад, ҷамъбаст шуда, ғолибони он бо туҳфаҳо қадрдонӣ карда мешаванд.
АКС: ВКД ҶТ
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
