«Динамо» дар Мусобиқаи кушоди ҷумҳуриявӣ оид ба панкратиони муосир соҳиби ҷои якум шуд
ДУШАНБЕ, 22.10.2021 /АМИТ «Ховар»/. Дар толори варзишии Муассисаи давлатии Маркази тайёрии олимпии дастаҳои мунтахаби шаҳри Душанбе Мусобиқаи кушоди ҷумҳуриявӣ оид ба панкратиони муосир миёни наврасон ва ҷавонон доир гардид, ки дар ҳисоби даставӣ дастаи Шӯрои ҷумҳуриявии «Динамо»-и Вазорати корҳои дохилӣ мақоми якумро соҳиб шуд, хабар дод корманди Кумитаи кор бо ҷавонон ва варзиши назди Ҳукумати Ҷумҳурии Тоҷикистон Ҳалимҷон Набизода ба шореҳи варзиши АМИТ «Ховар».
Дар ин мусобиқа 400 нафар варзишгарон ва мухлисони ин намуди варзиш аз шаҳру навоҳии мамлакат ширкат варзиданд,
Дар сабқат 7 нафар динамочӣ таҳти сарпарастии Устоди варзиши Ҷумҳурии Тоҷикистон Ҳамидхӯҷа Ҳабибов иштирок намуда, аз онҳо 3 нафар — Ёқуб Раҷаб дар вазни 35 кг, Муҳаммадӣ Файзалӣ дар вазни 50 кг ва Ислом Саидов дар вазни 55 кг миёни наврасон сазовори ҷойҳои аввал гардиданд. Дар ҳисоби даставӣ низ дастаи Шӯрои ҷумҳуриявии «Динамо»-и Вазорати корҳои дохилӣ мақоми якумро соҳиб шуд.
Мусобиқаи мазкур аз ҷониби Федератсияи панкратиони муосири Тоҷикистон доир гардида, ғолибон бо медалу ифтихорномаҳо қадрдонӣ шуданд.
Ҳадаф аз гузаронидани мусобиқаи варзишии мазкур тарғибу ташвиқи варзиш ва тарзи ҳаёти солим миёни насли наврасу ҷавон, такмили малакаю маҳорати варзишии онҳо, баланд бардоштани эҳсоси ватандӯстию меҳанпарастӣ ва таҳкими дӯстию рафоқат арзёбӣ гардид.
Акс аз Федератсияи панкратиони Тоҷикистон
Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд
НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд
Пагоҳ Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Санъат Раҳим: «Дар Вилояти Мухтори Кӯҳистони Бадахшон ва Хатлон ягон ҳодисаи нохуш ба қайд гирифта нашудааст»
Имрӯз дар Тоҷикистон ҳавои тағйирёбандаи бебориш пешгӯӣ мешавад
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
