«Этюд»-и «Тоҷикфилм» дар Фестивали 12-уми байналмилалии филмҳои варзишии Барселона иштирок мекунад
ДУШАНБЕ, 30.10.2021 /АМИТ «Ховар»/. «Этюд» — филми кӯтоҳи бадеии Муассисаи давлатии «Тоҷикфилм» дар Фестивали 12-уми байналмилалии филмҳои варзишии Барселона иштирок мекунад, иттилоъ дод ба АМИТ «Ховар» коргардони филми мазкур Мумин Латифӣ.
Мумин Латифӣ иброз намуд, ки Фестивали 12-уми байналмилалии филмҳои варзишӣ аз 14 то 20 феврали соли 2022 дар шаҳри Барселонаи Испания баргузор мегардад.
Филми кӯтоҳи бадеии «Этюд» дар киностудияи давлатии «Тоҷикфилм» ба навор гирифта шудааст. Давомнокии он 16 дақиқа буда, филм дар жанри драмаи варзишӣ ба навор гирифта шудааст. Он дар бораи писаре нақл мекунад, ки дар оилаи навозанда таваллуд шуда, ба воя расидааст. Падару модараш мехоҳанд, ки ӯ ба мусиқӣ машғул шавад, аммо писарбача ба футбол таваҷҷуҳ дорад…
Филми мазкур дар Фестивали 30-юми байналмилалии кушоди кишварҳои ИДМ ва Балтика «Киношок», ки дар шаҳри Анапаи Краснодари минтақаи Русия доир гардида буд, ба намоиш гузошта шуд.
«Этюд» филми нахустини коргардон Мумин Латифии 25-сола, хатмкардаи шуъбаи коргардонии Донишкадаи санъати Тоҷикистон ба номи Мирзо Турсунзода мебошад.
Ёдовар мешавем, ки дар Фестивали 12-уми байналмилалии филмҳои варзишии Барселона бештар филмҳое намоиш дода мешаванд, ки дар он варзиш мавзӯи асосӣ бошад. Жанрҳои филмҳо метавонанд аниматсионӣ, ҳуҷҷатӣ, публитсистика, бадеӣ ва таҷрибавӣ (кӯтоҳмуддату пурра) бошанд.
Ҳадафи аслии фестивал рушди фарҳанги филмҳои варзишӣ миёни тамошобинон ва ширкатҳои киною телевизион аст.
Фестивали мазкур бо ташаббуси Хазинаи олимпии Барселона бо дастгирии Шӯрои шаҳрии Барселона- BCN Sports Film доир мегардад. Доир ба фестивали мазкур дар сомонаи http://bcnsportsfilm.org/ маълумоти бештар ҷой дода шудааст.
АКСҲО аз манбаъҳои боз
Дар Институти химия озмоишгоҳи маводи ба коррозия устувор бо асбобу технологияҳои муосир ифтитоҳ гардид
Дар Академияи миллии илмҳои Тоҷикистон ҳамоиши илмӣ баргузор шуд
Дар Паёми Президенти Тоҷикистон ба Маҷлиси Олӣ шаклгирии фарҳанги миллӣ ва заминаҳои он баррасӣ гардид
Бинои нави Вазорати фарҳанг ва Театри миллӣ дар рӯзҳои ҷашни 35-солагии Истиқлоли давлатии Тоҷикистон ба истифода дода мешаванд
Дар Душанбе доир ба мусиқии Шашмақом барномаи фарҳангӣ доир шуд
Мақоми Академияи миллии илмҳои Тоҷикистон дар раддабандиҳои байналмилалӣ боло меравад
ПАЁМИ МИЛЛАТИ ПОКСИРИШТ! Бардошти Шоири халқии Тоҷикистон Камол Насрулло аз дастовардҳои даврони соҳибистиқлолӣ
Дар Академияи миллии илмҳо дар ҳошияи Паёми Президенти Тоҷикистон ҷаласа баргузор шуд
ҚАҲРАМОНИ ТОҶИКИСТОН. Бобоҷон Ғафуров дар асоси садҳо далели холисонаи илмӣ миллати қадимӣ, фарҳангӣ ва тамаддунофар будани тоҷиконро исбот намуд
Президенти Тоҷикистон: «Фарҳанги миллӣ, ки заиф шуд, ҷояшро фарҳанги бегона пур мекунад»
Дар маркази ҳар шаҳру ноҳияи Тоҷикистон бояд як мактаби мусиқӣ бунёд карда шавад
БУЗУРГДОШТИ МАВЛОНО ДАР ЮНЕСКО. Ҷалолуддини Балхӣ аз нобиғагони нодири тоҷик аст, ки фарҳанги башарӣ назирашро кам дидааст
