ФУТБОЛ. Дастаи мунтахаби ҷавонони то 23-солаи Тоҷикистон бо дастаи Индонезия бозии дӯстона анҷом дод

Октябрь 20, 2021 08:54

ДУШАНБЕ, 20.10.2021 /АМИТ «Ховар»/. Шоми дирӯз дар Варзишгоҳи марказии шаҳри Душанбе бозии дӯстонаи дастаи мунтахаби ҷавонони то 23-солаи  Тоҷикистон оид ба футбол  бо  дастаи мунтахаби ҷавонони то 23-солаи  Индонезия  дар сатҳи баланд баргузор гардид. Дар ин  вохӯрии ҷолиб  дастаи футболи мунтахаби ҷавонони  Индонезия  бо ҳисоби  2:1 дастаи мунтахаби ҷавонони  Тоҷикистонро мағлуб намуд, иттилоъ дод  шореҳи варзиши АМИТ Меҳрони Қурбон «Ховар» бо истинод ба Федератсияи футболи Тоҷикистон.

Чанд рӯз пеш, дар доираи омодагӣ ба мусобиқаи интихобии Ҷоми Осиё-2022 дастаи мунтахаби ҷавонони то 23-солаи   Тоҷикистон оид ба футбол дар шаҳри Дубайи Аморати Муттаҳидаи Араб бо дастаи мунтахаби ҷавонони то 23-солаи   Ветнам бозии рафиқона анҷом дод.  Вохӯрии  дастаҳо  хеле ҷолиб  сурат гирифта, бо ҳисоби мусовии 1:1 анҷом ёфт. Голи дастаи мунтахаби ҷавонони то 23-солаи   Тоҷикистонро ҳамлагари ҷавону шинохтаи   дастаи футболи  «Истиқлол»-и шаҳри Душанбе  Рустам Соиров ба нишон расонид.

Ёдовар мешавем, ки  мусобиқаи интихобии Ҷоми Осиё-2022 аз 22 то 31 октябр дар шаҳри Душанбе доир мегардад. Дастаи мунтахаби ҷавонони то 23-солаи   Тоҷикистон оид ба футбол  дар гурӯҳи «В»  бозӣ мекунад, ки ҳарифонаш дастаҳои мунтахаби  ҷавонони  «Лубнон»  (25 октябр), Непал (28 октябр) ва Эрон (31 октябр) ҳастанд.

Бозии рафиқона

Тоҷикистон  (U-23) – Индонезия (U-23) – 1:2

Голҳо: Шервонӣ Мабатшоев, 5 (1:0). Ханис Сагара Путра, 35 (1:1). Амируддин Багус Кахфи, 64 (1:2).

Бозии рафиқона

Ветнам (U-23) – Тоҷикистон (U-23) – 1:1
Голҳо: Ле Хуан Ту, 82 (1:0). Рустам Соиров, 88 (1:1).

АКС аз Федератсияи футболи Тоҷикистон

Октябрь 20, 2021 08:54

Хабарҳои дигари ин бахш

27-28 ноябр бозиҳои ҷавобии даври нимфинали Ҷоми Тоҷикистон-2021 оид ба футбол баргузор мегарданд
Бозии дӯстонаи дастаҳои мунтахаби Тоҷикистон ва Қазоқистон дар шаҳри Нур-Султон баргузор мешавад
ФУТБОЛ. Дастаи Тоҷикистон омодагиашро барои бозӣ бо дастаи мунтахаби Қазоқистон оғоз кард
МУБОРАК БОД! Акмалиддин Каримов ба унвони чемпион ва Хушқадам Хусравов ба гирифтани медали нуқра мушарраф гардид
7 паҳлавони шинохтаи тоҷик дар Чемпионати ҷаҳон оид ба самбо дар Узбекистон иштирок мекунанд
ФУТЗАЛ. Дастаи «Соро компания» барандаи Ҷоми Тоҷикистон-2021 оид ба футзал гардид
Ғолибони Мусобиқаи ҷумҳуриявӣ оид ба гӯштини дзюдо муайян шуданд
ФУТБОЛ. Мубин Эргашев муваққатан сармураббии дастаи мунтахаби футболи Тоҷикистон интихоб шуд
«Истиқлол» ва «Хуҷанд» дар бозиҳои аввали нимфинали Ҷоми Тоҷикистон-2021 бар ҳарифонашон ғолиб омаданд
Роҳбарони нави Федератсияи тенниси рӯи мизи Душанбе интихоб шуданд
Паҳлавони тоҷик Темур Раҳимов дар Гранд Слами Боку сазовори медали нуқра шуд
Ҳимоятгарони дастаи миллии футболи Тоҷикистон фаъолияташонро дар дастаи «Персеполис»-и Эрон идома медиҳанд