Барномаи давлатии тайёр кардани мутахассисони соҳаҳои фарҳанг, санъат ва табъу нашри Ҷумҳурии Тоҷикистон барои солҳои 2018-2022 баррасӣ гардид

Октябрь 29, 2021 10:11

ДУШАНБЕ, 29.10.2021 /АМИТ «Ховар»/. 27 октябр дар Вазорати фарҳанги Ҷумҳурии Тоҷикистон ҷаласаи ғайринавбатии ҳайати мушовараи вазорат бо иштироки муовини Сарвазири мамлакат Матлубахон Сатториён баргузор гардид, ки дар он масъалаи ҷараёни иҷрои Қарори Ҳукумати Ҷумҳурии Тоҷикистон аз 29 ноябри соли 2017 «Дар бораи Барномаи давлатии тайёр кардани мутахассисони соҳаҳои фарҳанг, санъат ва табъу нашри Ҷумҳурии Тоҷикистон барои солҳои 2018-2022» мавриди баррасӣ қарор гирифт, иттилоъ доданд ба АМИТ «Ховар» аз маркази матбуоти Вазорати фарҳанги мамлакат.

Муовини Сарвазири мамлакат нахуст миннатдории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба кормандони Вазорати фарҳанг барои дар сатҳи баланд доир намудани чорабиниҳои фарҳангӣ бахшида ба 30-солагии Истиқлолияти давлатии Ҷумҳурии Тоҷикистон баён намуд.

Ҳамчунин зикр шуд, ки мутобиқи барнома аз оғози соли таҳсил дар муассисаҳои таҳсилоти олӣ ва миёнаи касбӣ нақшаҳои таълимии корӣ дар асоси стандартҳои давлатӣ ва мутобиқи низоми таҳсилот коркард шуда, бо қарори Шӯрои олимони муассисаҳои таълимӣ тасдиқ мегарданд. Инчунин барномаҳои корӣ (силлабусҳо)-и омӯзгорон вобаста ба фанҳои таълимшаванда таҳия ва коркард карда мешаванд. Стандартҳои таҳсилоти касбӣ ва нақшаҳои таълимии муассисаҳо оид ба ҳамаи тахассусҳо бо дарназардошти талаботи низоми кредитӣ ва мутобиқ ба дастурҳои нави Вазорати маориф ва илми Ҷумҳурии Тоҷикистон аз нав таҳия ва аз ҷониби ҳайати мушовараи вазорат тасдиқ гардид. Вобаста ба стандартҳо ва нақшаҳои нави таълимӣ аз рӯи фанҳои умумикасбӣ ва тахассусӣ барномаҳои нави таълимӣ таҳия карда шуданд, ки айни замон аз рӯи онҳо китобҳои дарсӣ таҳия гардида истодаанд.

Бояд гуфт, ки барномаи мазкур пас аз қабули Қонуни Ҷумҳурии Тоҷикистон «Дар бораи буҷети давлатӣ барои соли 2018» ба тасвиб расида, пешниҳоди Вазорати фарҳанг барои ҷудо намудани маблағҳои иловагӣ барои соли 2019 қабул нашуда буд. Соли 2019  барои тайёр кардани кадрҳои соҳавӣ дар соли 2020 ба Вазорати фарҳанг 180 ҳазор сомонӣ маблағ ҷудо гардид. Тибқи нақшаи амалисозии Барнома, 6 нафар шаҳрвандони Тоҷикистон мебоист барои таҳсил аз рӯи ихтисосҳои устои лӯхтаксоз, чопгарӣ, ҷӯрсоз ва таъмиргари фортепиано, дӯхти пойафзоли балет, таъмири созҳои миллӣ, овозхони академӣ ба Федератсияи Русия, Ҷумҳурии Узбекистон ва шаҳри Милани Италия фиристода мешуданд. Мутаассифона, соли 2020 дар тамоми олам паҳншавии бемории коронавирус (COVID-19) садди роҳи иҷрои нақша гардид.

Муовини Сарвазир вобаста ба таъмин намудани мутахассисони соҳаи фарҳанг, санъат ва табъу нашр, инчунин дигар камбудиҳои ҷойдошта дар ин самт ба масъулин супоришҳо дод.

Муовини Вазири фарҳанги Ҷумҳурии Тоҷикистон Давлат Сафарзода зикр намуд, ки мақому манзалати мудирони шуъбаю бахшҳои фарҳанг дар шаҳру ноҳияҳои ҷумҳурӣ баланд бардошта шавад.

Дар анҷоми ҷаласа муовини аввали Вазири фарҳанги Ҷумҳурии Тоҷикистон Обид Назариён аз ҳайати мушовара дархост намуд, ки пешниҳоду таклифҳои хешро тариқи хаттӣ ба вазорат ирсол намоянд, то дар ҷаласаҳои минбаъда мавриди таҳлилу баррасӣ қарор гиранд.

АКСҲО: Вазорати фарҳанги ҶТ

Октябрь 29, 2021 10:11

Хабарҳои дигари ин бахш

Дар Теҳрон шоми муштараки фарҳангии Тоҷикистон ва Эрон баргузор гардид
Сарбозону афсарон дар Осорхонаи миллӣ бо таъриху тамаддуни қадимии тоҷикон шинос гардиданд
21 ФЕВРАЛ-РӮЗИ БАЙНАЛМИЛАЛИИ ЗАБОНИ МОДАРӢ. Забони тоҷикӣ аз ҷиҳати ғановат ва сермаъноии калимаҳо байни забонҳои хурду бузурги дунё мақоми аввалро доро мебошад
Бахшида ба Рӯзи байналмилалии забони модарӣ дар Институти забон ва адабиёти ба номи Рӯдакӣ ҳамоиш доир шуд
Масъалаи баланд бардоштани соҳаи фарҳанг дар ноҳияи Ишкошим баррасӣ гардид
Муассисаи давлатии «Тоҷикфилм» бо синамогарони хориҷӣ филмҳои муштарак ба навор мегирад
«ИСТИҚЛОЛ ВА РУШДИ ЗАБОНИ МОДАРӢ». Бахшида ба Рӯзи байналмилалии забони модарӣ дар Душанбе ҳамоиш доир шуд
«ЗИНДА КУН АЗ САДОИ МАН ХОКИ ҲАЗОРСОЛАРО…». Давлатманд Холов дар ҷодаи мусиқӣ ва санъат яке аз нобиғаҳои барҷастаи Шарқ ба шумор меравад
УСТОДИ ФАЛАК, ҶОНИ ФАЛАК ТАРКИ ФАЛАК ГУФТ! Сурудҳои Давлатманд Холов ганҷинаи тиллоии миллат барои наслҳои оянда мебошанд
Дар Консерваторияи миллии Тоҷикистон 44 шаҳрванди хориҷӣ таҳсил менамояд
Дар ноҳияҳои Рошқалъа, Мурғоб, Шаҳринав, Лахш ва шаҳри Ваҳдат Кохи фарҳанг сохта мешавад
Дар Бохтар даври шаҳрии озмуни вилоятии «Суруди алла» баргузор шуд