Намояндаи расмии ВКХ ФР: Русия дар сурати бад шудани вазъ дар марзи Тоҷикистон ва Афғонистон тадбирҳои қатъитарин меандешад
ДУШАНБЕ, 08.10.2021 /АМИТ «Ховар»/. Русия вазъро дар марзи Тоҷикистон ва Афғонистон бодиққат назорат мекунад ва омода аст дар сурати шиддат гирифтани вазъ тадбирҳои қатъӣ андешад. Тавре АМИТ «Ховар» бо истинод ба ТАСС хабар медиҳад, дар ин бора 7 октябр зимни брифинг директори Департаменти иттилоот ва матбуоти Вазорати корҳои хориҷии Русия Мария Захарова изҳори назар кард.
«Агар зарур шавад, тадбирҳои қатъитарин тибқи принсипҳои иттифоқчигӣ ва шарикии стратегии Русияву Тоҷикистон, ки роҳбарияти Русия борҳо дар бораи он гуфта буд, андешида мешаванд»,-гуфт ӯ.
«Вазъият дар Афғонистон ва сарҳади Тоҷикистону Афғонистон дар маркази таваҷҷуҳи дақиқи мо қарор дорад, идома дод дипломат. — Москва ва Душанбе алоқаҳои пурсамар доранд, алалхусус дар самти мақомоти мудофиа, хадамоти сарҳадӣ ва албатта, намояндагиҳои дипломатӣ. Мо ҳамкориро дар самти тақвияти қобилияти ҷангии Тоҷикистон ва хадамоти сарҳадии он бо назардошти тамоми ниёзҳои фаврӣ идома медиҳем. Пойгоҳи низомии 201 -уми Русия бо ҳама чизҳои зарурӣ барои расонидани кумак ба ҳукумати ҷумҳурӣ дар сурати шиддат гирифтани вазъ муҷаҳҳаз аст».
«Мо пайваста тамосҳои худро бо ҳаракати «Толибон» идома медиҳем, то идеяи таъсиси ҳукумати фарогиреро дар Афғонистон, ки манфиатҳои ҳама қувваҳои этносиёсӣ ва мазҳабии кишварро инъикос кунад, пеш барем, инчунин сиёсати масъулиятнок ва мутамаддинро нисбат ба бозингарони беруна ва, албатта, аҳолии осоиштаи ин кишвар ба роҳ монем»,-таъкид кард Захарова.
Ёдовар мешавем, ки дирӯз, 7 октябр, Президенти Тоҷикистон Эмомалӣ Раҳмон ва Сарвари давлати Русия Владимир Путин дар тамоси телефонӣ масъалаҳои амнияти минтақаро бо таваҷҷуҳ ба афзоиши вазъ дар Афғонистон баррасӣ карданд. Дар ин бора АМИТ “Ховар” бо истинод ба Хадамоти матбуоти Президенти Тоҷикистон хабар дод.
Дар паём ҳамчунин гуфта мешавад, ки Эмомалӣ Раҳмон Владимир Путинро бо зодрӯзаш табрик намуданд. «Пешвои миллат фаъолияти пурсамари Владимир Путинро ҳамчун Президенти Федератсияи Русия ва саҳми бузурги ӯро дар рушди ҳамаҷонибаи муносибатҳои дӯстӣ ва шарикии стратегии Тоҷикистону Русия махсусан зикр кардаанд»,-омадааст дар хабар.
__________________________________
* Гурӯҳи террористии дар Тоҷикистон мамнӯъ
АКС аз манбаъҳои боз
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
