Президенти мамлакат Эмомалӣ Раҳмон бинои истиқоматии 8-ошёна бо филиали Маркази ташхисию табобатии «Мадади Акбар»-ро дар деҳоти Кангурти ноҳияи Темурмалик ба истифода доданд

Октябрь 21, 2021 10:12

ДУШАНБЕ, 21.10.2021 /АМИТ «Ховар»/. 21 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳоти Кангурти ноҳияи Темурмалик бинои истиқоматии 8-ошёна бо ҷойгиркунии бахши Маркази ташхисию табобатии “Мадади Акбар”-ро мавриди баҳрабардорӣ қарор доданд.

Сарвари давлат муҳтарам Эмомалӣ Раҳмон нахуст бо имконияти бахши Маркази ташхисию табобатии “Мадади Акбар”, ки дар таҳхона ва ошёнаи аввали бинои нав ҷой дода шудааст, шинос гардиданд.

Зикр шуд, ки дар маркази нав барои ташхис ва табобати нафарони ниёзманд имконоти муосиру замонавӣ фароҳам оварда шудааст. Аз ҷумла, таҳхонаи “Мадади Акбар” дорои ташхисгоҳ бо ҳуҷраи ултрасадоӣ, озмоишгоҳ бо лавозимоти корӣ буда, ҳамчунин бахши ёрирасонӣ бо ҳуҷраҳои тавонбахшӣ, варзишӣ ва маҳсдармонӣ таъмин гардидааст.

Маркази ташхисию табобатии “Мадади Акбар” ҳамзамон дорои ҳуҷраи бақайдгирӣ буда, дар он барои ташхису табобати чашм, гӯш, гулӯву бинӣ, дандон, дил ва асаб шароити зарурӣ фароҳам оварда шудааст. Марказ дорои ҳуҷраи ҷарроҳӣ буда, имконият аст, ки амалиёти ҷарроҳии таъҷилӣ дар ҳамин ҷо гузаронида шавад. Ҳамчунин дар марказ ҳуҷраҳои алоҳида барои машварат ба ниёзмандон ва хатнаи кӯдакон сохта шудааст.

Дар ин ҷо барои ба табобат фаро гирифтани беморон 12 кати хоб ташкил карда шудааст. Ҳуҷраҳои табобатӣ ва ташхисии “Мадади Акбар” бо таҷҳизоти муосири тиббӣ, аз қабили дастгоҳҳои нафасдиҳии сунъӣ, кардиомонитор, дастгоҳҳои ташхиси ултрасадоӣ, оксигенераторҳо таъмин буда, имконият аст, ки сокинони ноҳия минбаъд дар ҳамин ҷо ташхису табобат гиранд. Дар марказ ҳамчунин табобат бо усули гиёҳдармонӣ роҳандозӣ гардидааст.

Марказ ҳамчунин дорои дорухона ва мағоза мебошад. Мавриди баҳрабардорӣ қарор гирифтани иншооти мазкур хизматрасонии муосири тиббиро барои сокинони ноҳия дастрас намуда, минбаъд табобату ташхиси нафарони бемор бо сарфаи маблағу вақт дар ҳамин ҷо гузаронида мешавад.

Зимни боздид иттилоъ дода шуд, ки дар иншооти нав 45 нафар асосан сокинони маҳаллӣ соҳиби ҷойи кори доимӣ гардиданд. Нафароне, ки аз минтақаҳои нисбатан дуртар ба кор меоянд, дар ошёнаҳои болоии бинои мазкур бо манзили истиқоматии хизматӣ таъмин мешаванд. Ҳамчунин кормандони Корхонаи дӯзандагии “Меҳри Модар” низ дар бинои 8-ошёна бо манзил таъмин гардида, боқимондаи хонаҳо барои фурӯш ба аҳолӣ пешниҳод карда мешавад.

Иброз гардид, ки дар маҷмӯъ бинои истиқоматӣ дорои 42 ҳуҷра буда, дар он барои истиқоматкунандагон шароити зарурӣ фароҳам оварда шудааст. Иншоот дорои ҳуҷраҳои 1, 2 ва 3-хонагӣ буда, ҳамчунин бо лифт ва дигар иншооти ёрирасон таъмин мебошад.

Иншоот дар доираи дастуру супоришҳои Роҳбари давлат муҳтарам Эмомалӣ Раҳмон аз ҷониби соҳибкори ватанӣ Анвар Қурбонов бунёд шудааст.

Зимни боздид Сарвари давлат муҳтарам Эмомалӣ Раҳмон ба сифати корҳои анҷомёфта баҳои баланд дода, чунин иқдомҳои бунёдкоронаи соҳибкорони маҳаллиро шоистаи таҳсин арзёбӣ намуданд.

Ифтитоҳи бинои истиқоматии 8-ошёна бо филиали Маркази ташхисию табобатии “Мадади Акбар” дар деҳоти Кангурти ноҳияи Темурмалик 21.10.2021

Октябрь 21, 2021 10:12

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
35-СОЛАГИИ ИСТИҚЛОЛИ ДАВЛАТӢ. Имсол дар ноҳияи Шамсиддини Шоҳин 41 иншоот ба истифода дода мешавад
Ҳангоми истифодаи хабару маводи сомона истинод ба www.khovar.tj ҳатмӣ аст!
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Дар шаҳри Ҳисор бо иштироки муовини Сарвазири Тоҷикистон иншооти гуногуни ҷашнӣ ба истифода дода шуд
Бахшида ба 35-солагии Истиқлоли давлатӣ дар Кушониён синфхонаҳои иловагӣ ба истифода дода шуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
Дар ноҳияи Шаҳринав бинои нави шуъбаи рентгенӣ ба истифода дода шуд
Тандиси биринҷии чеҳраи Пешвои миллат ба Сарвари давлат Эмомалӣ Раҳмон тақдим гардид
Сарвари давлат Эмомалӣ Раҳмон дар шаҳри Душанбе дар ҳамоиши наврӯзӣ – «Корвони шодӣ» иштирок намуданд
Суханронии Пешвои миллат Эмомалӣ Раҳмон дар маросими баргузории карнавали наврӯзии «Корвони шодӣ» дар шаҳри Душанбе
Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия суҳбати телефонӣ анҷом доданд