Саммити навбатии СВМДА дар Нур-Султон доир мешавад, нишасти қаблии он дар Душанбе баргузор шуда буд

Октябрь 13, 2021 15:22

ДУШАНБЕ, 13.10.2021 /АМИТ «Ховар»/. Саммити шашуми кишварҳои ширкаткунандаи Конференсияи ҳамкорӣ ва тадбирҳои боварӣ дар Осиё (СВМДА) соли оянда дар пойтахти Қазоқистон баргузор мешавад. Тавре АМИТ «Ховар» бо истинод ба ТАСС хабар медиҳад, дар ин бора дирӯз, 12 октябр муовини вазири корҳои хориҷии Қазоқистон Акан Рахметуллин (ДАР АКС) зимни мулоқоти вазирони корҳои хориҷии кишварҳои узви СВМДА хабар дод.

 “Мо бесаброна интизори мулоқоти навбатии худ дар соли 2022 дар доираи шашумин саммити СВМДА, ки дар шаҳри Нур-Султон баргузор мегардад, мебошем”,- гуфт ӯ ба ширкаткунандагони ҷаласа.

 Тавре АМИТ “Ховар” қаблан хабар дода буд, саммити қаблӣ, панҷуми он 15 июни соли 2019 таҳти раёсати Президенти Тоҷикистон, Пешвои миллат муҳтарам Эмомалӣ Раҳмон дар шаҳри Душанбе баргузор гардид. Дар ин ҳамоиш сарони давлатҳо ва ҳукуматҳои 27 кишвари минтақаи Осиё ширкат доштанд. Чорабиниро 650 нафар рӯзноманигорони маҳаллӣ ва хориҷӣ аз тамоми ҷаҳон инъикос намуданд.

Саммити Душанбе бо қабули эъломияи ниҳоӣ анҷом ёфт. Дар ин санад зикр мешавад, ки раёсати Тоҷикистон дар ҳамкории зич бо дигар давлатҳои иштирокчӣ ва нозирон тамоми кӯшишҳоро ба харҷ медиҳад, то ҳамкорӣ дар доираи СВМДА ва рушди он ба сатҳи баландтар расонида шавад ва ҳамаи кишварҳо ният доранд дар ин кор мусоидат кунанд.

 Нахустин саммити СВМДА соли 2002 баргузор шуда буд. Соли 2018 дар доираи иҷлосияи 73 -юми Маҷмаи Умумии СММ раёсат то соли 2020 аз Чин ба Тоҷикистон гузашт.

Ба ҳайати СВМДА 27 кишвар дохил мешаванд: Озарбойҷон, Афғонистон, Бангладеш, Баҳрайн, Ветнам, Миср, Исроил, Ҳиндустон, Урдун, Ироқ, Эрон, Қазоқистон, Камбоҷа, Қатар, Қирғизистон, Чин, Муғулистон, АМА, Фаластин, Покистон, Ҷумҳурии Корея, Русия, Тоҷикистон, Таиланд, Туркия, Узбекистон ва Шри -Ланка. Илова бар ин боз 13 давлат ва созмонҳои байналмилалӣ — Беларус, Индонезия, Лаос, Малайзия, ИМА, Украина, Филиппин, Ҷопон, инчунин СММ, Лигаи кишварҳои араб, Созмони байналмилалии муҳоҷират, САҲА, Ассамблеяи парлумонии кишварҳои туркзабон мақоми нозирро доранд.

 АКС аз манбаъҳои боз

Октябрь 13, 2021 15:22

Хабарҳои дигари ин бахш

Музаффар Ҳусейнзода Сафири Ҷопон дар Тоҷикистон Такаюкӣ Мияшитаро ба ҳузур пазируфт
Тоҷикистон ва Бонки исломии рушд татбиқи лоиҳаҳои муштаракро бо дарназардошти пайомадҳои COVID-19 баррасӣ намуданд
Дар Гулистон вохӯрии гурӯҳҳои кории ҳайатҳои ҳукуматии Тоҷикистон ва Узбекистон баргузор шуд
«Амнияти обӣ барои сулҳ ва рушд». Дар Душанбе конференсияи минтақавии омодагии Осиёи Марказӣ ба 9-умин Форуми ҷаҳонии об доир шуд
Намояндагии доимии Тоҷикистон дар СММ вохӯрии Гурӯҳи дӯстони обро дар шакли видеоконференсия баргузор намуд
Сафири Тоҷикистон бо Вазири неруи Эрон мулоқот намуд
Намояндаи Тоҷикистон дар СММ аҳамияти расонидани кумаки мустақими фаврии гуманитарӣ ба аҳолии Афғонистонро таъкид намуд
Тоҷикистон ва Молдова баргузории ҷаласаи навбатии Комиссияи байниҳукуматиро оид ба ҳамкории тиҷоратӣ-иқтисодӣ баррасӣ намуданд
Сафири навтаъйини Британияи Кабир ва Ирландияи Шимолӣ ба Душанбе омад
Қазоқистон узви Шӯро оид ба ҳуқуқи инсони СММ интихоб шуда, Тоҷикистон ба сифати узви ғайридоимии Шӯрои Амнияти СММ пешниҳод гардид
Сафири Тоҷикистон ба Президенти Молдова эътимоднома супорид
Ҷаласаи навбатии Шӯрои вазирони корҳои хориҷии ИДМ дар Тоҷикистон баргузор мешавад