Сергей Лавров даъват кард, ки ҳама гуна интиқоли силоҳ ба Афғонистон пешгирӣ карда шавад

ДУШАНБЕ, 14.10.2021 /АМИТ «Ховар»/. Вазири корҳои хориҷии Русия Сергей Лавров даъват намуд, ки ҳама гуна шабакаҳои интиқоли таҷҳизоти низомӣ барои террористоне, ки дар Афғонистон фаъолият мекунанд, баста шаванд, хабар додааст 13 август агентии иттилоотии Русия «Sputnik».

Бо чунин изҳорот дирӯз Вазири корҳои хориҷии Русия дар маросими ифтитоҳи 17 -умин машварати сарони ниҳодҳои амниятӣ ва хадамоти иктишофии кишварҳои ИДМ сухан гуфт.

Сергей Лавров ҳамчунин афзуд, ки дар ин марҳила тақвият додани ҳамкории кишварҳо дар доираи ИДМ, СААД ва СҲШ муҳим аст.

“Ин масъала чанде пеш аз ҷониби роҳбарони мо дар нишастҳои моҳи сентябр дар Душанбе ба таври возеҳ баррасӣ гардид”,-ишора намуд Вазири корҳои хориҷии Русия.

«Мо аз он нигаронем, ки унсурҳои террористӣ ва радикалӣ метавонанд таҳти ниқоби гурезаҳо тавассути сарҳадҳои ҷанубӣ ворид шаванд. Зарур аст, ки шабакаҳои истеъмолии онҳоро бо ҳама гуна маҳсулоти  низомӣ фавран маҳкам кунем”,-гуфт Сергей Лавров.

АКС аз манбаъҳои боз