Таэквондочиёни тоҷик дар рӯзи аввали мусобиқаи Намангон соҳиби 9 медал шуданд
ДУШАНБЕ, 30.10.2021 /АМИТ «Ховар»/. 27 октябр дар шаҳри Намангони Ҷумҳурии Узбекистон Мусобиқаи 2-юми кушоди вилояти Намангон оид ба таэквондо (WT) оғоз шуд, ки то 31 октябр идома меёбад. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.
Дар мусобиқа дар баробари варзишгарони кишвари мизбон намояндагони ҷумҳуриҳои Қазоқистон, Қирғизистон, Русия ва Тоҷикистон ширкат доранд.
Мусобиқа миёни кӯдакони соли таваллудашон 2013-2014, 2008-2010, наврасони соли таваллудашон 2005-2007 ва калонсолон сурат гирифт. Шумораи иштирокчиён 2300 нафарро ташкил медиҳад.
Ба иттилои Федератсияи таэквондо ВТФ-и Тоҷикистон, аз ҷумҳурии мо 61 нафар – 46 писар, 15 духтар ба Намангон сафарбар гардиданд. Онҳоро мураббиён Исломиддин Фозилов, Давлатмурод Каримов, Фарҳод Негматов, Далер Фозилов, Муҳиддин Ҳотамов ва Файзбахш Шоев ҳамроҳӣ менамоянд. Ҳамчунин чор довари тоҷик рақобатҳоро ҳакамӣ мекунанд.
Варзишгарони мо дар рӯзи аввали мусобиқа миёни калонсолон сазовори 9 медал — 3 тилло, 3 нуқра, 3 биринҷӣ – гардиданд.
Медалҳои тиллоро Муҳаммадҳасан Шомаҳмадов дар вазни -80кг, Муниса Ойматова дар вазни -49кг, Рӯзигул Саидова дар вазни +73кг ба даст оварданд.
Муҳаммадҷон Суннатов дар вазни 63кг, Муҳаммадҳусейн Шомаҳмадов дар вазни 74кг, Мунира Абдусаломова дар вазни +73кг сазовори медалҳои нуқра ва Абумуталиб Мирзоев дар вазни 54кг, Нуралишо Солиҳов дар вазни 63кг ва Руқия Алиаҳмадова дар вазни 53кг сазовори медалҳои биринҷӣ шуданд.
АКС: КМО Тоҷикистон
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
