Ҳузури мухлисони хориҷӣ дар Бозиҳои зимистонаи олимпии Пекин-2022 манъ аст
ДУШАНБЕ, 10.10.2021 /АМИТ «Ховар»/. Кумитаи тадорукоти Бозиҳои зимистонаи олимпии Пекин-2022 гуфтааст, ки мухлисони чинӣ ба Олимпиада иҷозат дода мешаванд, вале мухлисони хориҷӣ наметавонанд дар маконҳои бозиҳо ҳузур пайдо кунанд. Дар ин бора АМИТ «Ховар» бо истинод ба Кумитаи миллии олмпии Тоҷикистон хабар медиҳад.
Кумитаи тадорукоти бозиҳо «Системаи идоракунии ҳалқаи пӯшида»-ро роҳандозӣ хоҳад кард, ки тавассути он ҳама кормандони марбут ба бозиҳо метавонанд танҳо тариқи ҷойҳои таъиншуда тавассути нақлиёти махсус ҳаракат кунанд.
Ҳама дар дохили ин система ҳар рӯз барои COVID-19 озмоиш карда мешаванд.
Кумитаи байналмилалии олимпӣ ва Кумитаи байналмилалии паралимпӣ аз нақшаи Пекин-2022, бахусус қабули мухлисон пуштибонӣ кардаанд.
Нашри аввалини «китоби бозиҳо», ки чораҳои муқовимат бо коронавирусро шарҳ медиҳанд, бояд дар охири моҳи октябр сурат гирад, аммо талаботҳои қатъии карантини варзишгарони ваксинанашуда бояд риоя карда шаванд.
Онҳое, ки пурра иммунизатсия карда нашудаанд, бояд пас аз расидан ба Пекин ва пеш аз ворид шудан ба системаи идоракунии ҳалқаи пӯшида, як давраи карантини 21-рӯзаро гузаронанд.
Кумитаи олимпӣ ва паралимпии Иёлоти Муттаҳидаи Амрико, аллакай ваксинаи зидди COVID-19-ро барои ҳайатҳои олимпӣ ва паралимпии худ ҳатмӣ кардааст.
Ба варзишгароне, ки бар зидди коронавирус иммунизатсия карда шудаанд, пас аз расидан ба онҳо иҷозат дода мешавад, ки ба системаи идоракунии ҳалқаи пӯшида ворид шаванд.
Ҳамаи ғайрииштирокчиён бояд дар давоми 21 рӯз пас аз расидан ба Чин, тибқи қоидаҳои мавҷудаи ин кишвар, ки яке аз шадидтарин дар ҷаҳон ҳаст, бояд карантин шаванд.
Сарҳадҳои Чин, асосан баста шудаанд ва як қатор чорабиниҳои бонуфузи байналмилалӣ, аз ҷумла мусобиқаҳои санҷишии Пекин-2022 ва чемпионатҳои ҷаҳон оид ба қайиқронӣ ва таеквондо бекор карда шуданд.
Кумитаи байналмилалии олимпӣ гуфтааст, ки дар бозиҳо меҳмонони ҳамроҳ иҷозат дода намешаванд, мисле ки дар Токио буд.
Бозиҳои зимистонаи олимпии Пекин-2022 аз 4 то 20 феврали соли 2022 ба нақша гирифта шудааст. Бозиҳо аз рӯи 7 намуди варзиш (15 равияи варзишӣ) доир мегардад.
АКСҲО аз КМО Тоҷикистон
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
