ВАО-и АФҒОНИСТОН ДАР БОРАИ ЗИЁД ШУДАНИ ТЕРРОРИСТОН ХАБАР МЕДИҲАНД. Мақомоти баландпояи Тоҷикистон инро тасдиқ мекунанд
ДУШАНБЕ, 28.10.2021 /АМИТ «Ховар»/. «Давлати исломӣ»* аз ҳузури худ дар вилояти Урузгони марказии Афғонистон хабар дод, иттилоъ медиҳанд расонаҳои интернетии маҳаллӣ.
«Парчамҳои сиёҳи ДОИШ* (номи арабии Давлати исломӣ – тавзеҳи АМИТ «Ховар») дар деҳоти мухталифи ноҳияи Деҳ Раҳвуд бештар пайдо шуданд. Маркази ин гурӯҳ дар вулусволи деҳаи Деҳзанг аст, ки созмондиҳандагон аз он ҷо паёмҳои даъвати пайвастан ба ин гурӯҳро паҳн мекунанд. Ба ҳар узви нави ДОИШ* 30 ҳазор афғонӣ кумакпулии яквақта дода мешавад», — гуфта мешавад дар паёмҳо.
Ҳаракати «Толибон»*, ки моҳи августи соли ҷорӣ дар пасманзари хуруҷи неруҳои эътилоф таҳти роҳбарии Амрико аз ин кишвар ба қудрат расид, то ҳол ин хабарҳоро шарҳ надодааст.
Ёдовар мешавем, ки баъди ба қудрат расидани толибон дар Афғонистон дар моҳи август дар ин кишвар чанд ҳамлаи хунини террористӣ ба вуқӯъ пайвастанд, ки масъулияти онро ДОИШ* бар уҳда гирифт. Дар ҳамлаҳои ахири террористӣ дар масҷидҳои шиа дар Қундуз ва Қандаҳор беш аз сад нафар кушта ва чандсад нафар захмӣ шудаанд.
Дар ҳамин ҳол Вазири корҳои хориҷии Тоҷикистон Сироҷиддин Муҳриддин дирӯз дар Теҳрон зимни суханронӣ дар нишасти кишварҳои ҳамсояи Афғонистон ба мавзӯи таҳдиди террористӣ аз ин кишвар таъкид кард. Вай гуфт, ки ҳоло дар вилоятҳои шимолии Афғонистон, бахусус дар марз бо Тоҷикистон фаъолияти гурӯҳҳои террористӣ афзоиш ёфтааст.
«Ҷалби шаҳрвандони кишварҳои минтақа ба гурӯҳҳои террористӣ, ки дар қаламрави Афғонистон амал мекунанд, моро водор мекунад барои рафъи хатару чолишҳои эҳтимолӣ талошҳои муштарак кунем», — гуфт Вазири корҳои хориҷии Ҷумҳурии Тоҷикистон.
Қаблан Вазири мудофиаи Тоҷикистон Шералӣ Мирзо дар маросими пӯшидашавии машқҳои низомии СААД, ки дар тамрингоҳи Ҳарб-Майдон, дар самти 20-километрии марзи Тоҷикистону Афғонистон баргузор шуд, низ гуфта буд, ки вазъ дар Афғонистон ба амният ва субот дар минтақаи Осиёи Марказӣ таҳдид мекунад.
«Вазъият дар марзҳои ҷанубии Тоҷикистон ба далели идомаи нооромӣ дар Афғонистони ҳамсоя муддати тӯлонист, ки хеле печида ва пешгӯинашаванда боқӣ монда, бо хатарҳои марбут ба зуҳури терроризми байналмилалӣ, ифротгароии мазҳабӣ ва муомилоти ғайриқонунии маводи мухаддир тавсиф карда мешавад»,-гуфт Вазири мудофиаи Тоҷикистон.
____________________
* Ҳаракати радикалии дар Тоҷикистон мамнӯъ, ки аз ҷониби Шӯрои амнияти СММ созмони террористӣ эътироф шудааст.
АКС аз манбаъҳои боз
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
Дар Норак даври шаҳрии озмуни вилоятии ҳарбӣ-варзишии «Ватанпарвар» ҷамъбаст шуд
32-СОЛАГИИ ҚУВВАҲОИ МУСАЛЛАҲИ ТОҶИКИСТОН. Дӯст доштани Ватанро бо хизмати содиқонаю софдилона ба он собит намоем
