Варзишгарони тоҷик дар Мусобиқаи муҳорибаҳои омехтаи Осиёи Марказӣ 10 медал ба даст оварданд
ДУШАНБЕ, 12.10.2021 /АМИТ «Ховар»/. Варзишгарони ҷавони тоҷик дар Мусобиқаи муҳорибаҳои омехтаи Осиёи Марказӣ 10 медал ба даст оварданд, хабар дод корманди Кумитаи кор бо ҷавонон ва варзиши назди Ҳукумати Ҷумҳурии Тоҷикистон Ҳалимҷон Набизода ба шореҳи варзиши АМИТ «Ховар» Меҳрони Қурбон.
Мусобиқаи мазкур 9-10 октябр дар шаҳри Нуқуси Қароқалпоқистони Ҷумҳурии Узбекистон аз рӯйи 10 вазн дар сатҳи баланд баргузор шуд. Варзишгарони тоҷик соҳиби чор медали нуқра ва шаш медали биринҷӣ шуданд. Воҳид Зоҳидзода, Фаридун Шоназаров, Азмуддин Ваҳҳобов ва Асадбек Маннонов тавонистанд барандагони ҷоизаҳои нуқра гарданд.
Медалҳои биринҷиро дар мусобиқа Ҷамшед Бозоров, Ёқубҷон Сафаров, Шуҳрат Исматов, Ҳувайдулло Табаров, Иброҳим Ғафуров ва Масъуд Одинаев ба даст оварданд.
Ин дафъа медалҳои тиллои мусобиқаи Осиёи Марказиро дар риштаи муҳорибаҳои омехта намояндагони Узбекистон (ҳафт медал) ва Қазоқистон (се медали тилло) ба даст овардаанд.
АКС аз Кумитаи кор бо ҷавонон ва варзиши назди Ҳукумати ҶТ
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
Варзишгари ҷавони тоҷик дар Чемпионати ҷаҳон оид ба гӯштини юнону румӣ соҳиби медали нуқра гардид
