Ба Маркази ҷумҳуриявии саратоншиносӣ 16 номгӯй маводи дорувории зиддихимиявӣ кумак карда шуд
ДУШАНБЕ, 11.11.2021 /АМИТ «Ховар»/. Ба Маркази миллии ҷумҳуриявии саратоншиносӣ 16 номгӯй маводи дорувории зиддихимиявӣ ба маблағи 1 миллиону 651 ҳазор доллар кумак карда шуд, хабар медиҳад АМИТ «Ховар» бо истинод ба маркази матбуот ва таҳлили дастгоҳи КИМ ҲХДТ.
Ин маводи доруворӣ дар доираи ҳамкорӣ бо ташкилоти «Foundation Ameicares» (ИМА) аз ҷониби муовини Раиси Ҳизби Халқии Демократии Тоҷикистон, раиси Кумитаи миллӣ оид ба нуфуси аҳолӣ ва рушд, Сафири некӯирода оид ба саратони ғадуди ширӣ Хайринисо Юсуфӣ дар ҳамкорӣ бо Ташкилоти ғайридавлатии «Авеста» бо иштироки муовини аввали Вазири тандурустӣ ва ҳифзи иҷтимоии аҳолии кишвар Муҳсин Ғафурзода супорида шуд.
Ҳифзи сиҳатии модарону кӯдакон яке аз масъалаҳои афзалиятноки соҳаи тандурустӣ ба ҳисоб меравад. Ғамхорӣ дар ҳаққи наврасону ҷавонон ва таҳти назорат қарор додани вазъи саломатии онҳо метавонад тавлиди насли солимро таъмин намояд.
Вобаста ба ин, аз ҷониби Кумитаи миллӣ оид ба нуфуси аҳолӣ ва рушд дар ҳамкорӣ бо роҳбари Ташкилоти ғайридавлатии «Авеста» Фирӯза Абдуллоева ва шарикони рушд ба 5 таваллудхонаи шаҳри Душанбе маводи дорувории «Сурванта» ба маблағи 100 ҳазор доллар тақдим карда шуд.
Кумитаи миллӣ оид ба нуфуси аҳолӣ ва рушд дар ҳамкорӣ бо шарикони рушд минбаъд низ дастгирӣ намудани қишри осебпазири ҷомеаро ҳадафи худ қарор додааст.
Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зимни суханронӣ дар вохӯрӣ бо кормандони соҳаи тандурустӣ ин ниҳодро яке аз бахшҳои аввалиндараҷаи сиёсати иҷтимоии давлати Тоҷикистон номиданд. Дар замони соҳибистиқлолӣ дар кишвар низоми ҳифзи иҷтимоии комилан нав ташаккул ёфта, ҳоло дар марҳалаи рушд қарор дорад. Ҳукумати мамлакат дар ин давра ба пешрафти соҳаи тандурустӣ ва ҳифзи иҷтимоии аҳолӣ таваҷҷуҳи хосса зоҳир намуда, барои ҳалли мушкилоти ин соҳаи ҳаётан муҳим тадбирҳои зиёде амалӣ гардонид.
АКС: КИМ ҲХДТ
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
