Дар Бадахшон доир ба таҷлили арзандаи Рӯзи Парчами давлатӣ машварати назоратӣ баргузор шуд
ДУШАНБЕ, 22.11.2021 /АМИТ «Ховар»/. Арҷ гузоштан ба Парчами давлатӣ- ин эҳтиром намудани Ватану модари худ буда, он пеш аз ҳама, муаррифи нангу номус, шарафу иқбол ва номи бузурги давлату миллат аст, аз ин рӯ дар сатҳи зарурӣ таҷлил намудани ин санаи фархунда барои ҳамаи муассисаҳову идораҳои давлативу ғайридавлатии ҳудуди вилоят ва насби ин муқаддасоти миллӣ дар бинову иншоот баҳри пос доштани арзишҳои миллӣ заминаи воқеӣ мегузорад. Ин нуктаро иҷрокунандаи вазифаи Раиси Вилояти Мухтори Кӯҳистони Бадахшон Алишер Мирзонабот зимни машварати назоратӣ иброз намуд.
Тавре АМИТ «Ховар» бо истинод ба мақомоти иҷроияи ҳокимияти давлатии ВМКБ хабар медиҳад, дар машварати назоратии назди и.в Раиси Вилояти Мухтори Кӯҳистони Бадахшон Алишер Мирзонабот инчунин масъалаҳои ҷараёни иҷрои қарори Раиси ВМКБ оид ба нақшаи Ҳукумати Ҷумҳурии Тоҷикистон барои амалисозии Бистсолаи омӯзиш ва рушди фаннҳои табиатшиносӣ, дақиқ ва риёзӣ дар соҳаи маориф барои солҳои 2020-2040, рушди ҳунармандӣ дар Ҷумҳурии Тоҷикистон барои солҳои 2021-2025 ва масъалаи таҷлили арзанда аз Рӯзи Парчами давлатии Ҷумҳурии Тоҷикистон мавриди таҳлилу баррасӣ қарор дода шуда, баҳри пешбурди фаъолияти минбаъда дар самтҳои мазкур ба масъулин дастуру супоришҳои мушаххас дода шуданд.
Алишер Мирзонабот ҷиҳати таъсис додани утоқҳои фаннии сикли табиӣ-риёзӣ дар 313 муассисаи ҳудуди вилоят ба масъулини соҳа супориш дод, ки нақшаи муайяни фаъолиятро дар доираи имконияти мавҷуда ва ҷалби соҳибкорону шарикони рушд таъсис дода, корро дар ин самт ҷоннок намоянд.
АКС: МИҲД-и ВМКБ
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
Ҳайати Тоҷикистон дар ҷаласаи вазирони Кумитаи доимии ҳамкории иқтисодиву тиҷоратии СҲИ иштирок намуд
Орзуи миллионер шудан бо ZET-MOBILE воқеъист
