Дар Бадахшон имтиҳонҳои озмоишии Маркази миллии тестӣ оғоз ёфтанд

Ноябрь 9, 2021 11:11

ХОРУҒ, 09.11.2021 /АМИТ «Ховар»/.  Чанд рӯз қабл хонандагони муассисаҳои шаҳри Хоруғ ва ноҳияи Шуғнони Вилояти Мухтори Кӯҳистони Бадахшон дар Мактаби Президентии маркази вилоят имтиҳонҳои  озмоишӣ супориданд. Хонандагони ноҳияҳои дури вилоят имтиҳонҳои озмоиширо дар маҳали зисташон месупоранд, хабар медиҳад мухбири минтақавии АМИТ «Ховар».

Баргузор кардани имтиҳоноти тестӣ ба таври озмоишӣ яке аз хизматрасониҳои нави Маркази миллии тестӣ буда, ҳадафи он аз наздик шинос намудани хатмкунандагон бо тарҳи нави маҷмӯи фанҳои имтиҳонӣ, дарки масъулият дар вақти супоридани имтиҳонҳои воқеӣ ва шинос шудан бо таркиби саволу масъалаҳо мебошад.

Ёдовар мешавем, ки Маркази миллии тестии назди Президенти Ҷумҳурии Тоҷикистон соли гузашта таҳти унвони «Худро бисанҷ» барои довталабон хизматрасонии нав роҳандозӣ намуд, ки тавассути он довталабон ҳам бо тарзу усули имтиҳоноти тестӣ шинос мешаванд ва ҳам донишу маҳорати худро месанҷанд,

Ба гуфтаи намояндаи Маркази миллии тестии назди Президенти Ҷумҳурии Тоҷикистон дар Вилояти Мухтори Кӯҳистони Бадахшон Шаҳтут Хоников, “имтиҳонҳои озмоишӣ соли гузашта дар се шаҳру ноҳияи ВМКБ  доир гардиданд, аммо имсол хатмкунандагони ҳамаи ноҳияҳои вилоят дар  он ширкат меварзанд. Таҳияи варақаҳои посухҳо дар Маркази миллии тестӣ ба таври автоматӣ гузронида шуда, натиҷаи он ба раёсату шуъбаҳои маорифи шаҳру ноҳияҳо вобаста ба ҳар иштирокчӣ фиристонда мешавад”.

Соли ҳаштум аст, ки Маркази миллии тестии назди Президенти Ҷумҳурии Тоҷикистон дар хизмати довталабон буда, барои ширкати фаъолонаи онҳо дар имтиҳонҳои марказонидашудаи дохилшавӣ ба муассисаҳои таълимии таҳсилоти миёнаву олии касбии Ҷумҳурии Тоҷикистон ва арзёбии одилонаи донишу малакаи довталабон имконоту шароити мусоид фароҳам меорад.

АКС:АМИТ «Ховар»

Ноябрь 9, 2021 11:11

Хабарҳои дигари ин бахш

Ба ниёзмандони ноҳияи Ёвон 33 аробаи маъюбӣ тақдим гардида, ба ятимон туҳфаҳои Президенти Тоҷикистон расонида шуданд
Дар арафаи Соли нав ба оилаҳои ниёзманд, маъюбон ва беморони ноҳияи Фирдавсӣ кумак расонида шуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
Дар арафаи Соли нав дар ноҳияи Фирдавсӣ ташкилоти ибтидоии ҲХДТ бо номи «Ватандор» таъсис ёфт
Туҳфаҳои идонаи Пешвои миллат ба 36 нафар хонандагони Мактаб-интернати ноҳияи Лахш тақдим гардиданд
Дар шаҳрҳои Хуҷанд, Истиқлол, Бӯстон ва Гулистони вилояти Суғд ярмарка-фурӯши маҳсулоти кишоварзӣ оғоз гардид
Ба Маркази вилоятии ҳимояи аҳолӣ аз бемории сили №2 ва Маркази вилоятии равонпизишкии шаҳри Кӯлоб кумак расонида шуд
Оилаи соҳибкорон Сатторовҳо ба хонандагони ятиму маъюб ва ниёзманди Литсейи касбӣ-техникии Ҳисор кумак намуданд
Ба Маркази дастгирии оила ва кӯдаки №2 таҷҳизоти маишӣ тақдим гардид
Дастаҳои ноҳияҳои Ашту Файзобод ва шаҳри Кӯлоб ғолибони Мусобиқаи ҷумҳуриявӣ оид ба волейбол шуданд
ОБУ ҲАВО: Имрӯз дар Тоҷикистон ҳавои камабри бебориш дар назар аст
Хадамоти зиддиинҳисорӣ ба хона-интернат ва қисми ҳарбии ноҳияи Шаҳристон туҳфаҳои идона тақдим намуд