Дар Хоруғ доир ба нақши Президенти Тоҷикистон дар татбиқи сиёсати давлатии ҷавонон конференсия доир шуд

Ноябрь 12, 2021 15:00

ДУШАНБЕ, 12.11.2021 /АМИТ «Ховар»/. Имрӯз дар шаҳри Хоруғ  бахшида ба таҷлили Рӯзи Президенти Ҷумҳурии Тоҷикистон таҳти унвони «Нақши Президенти Ҷумҳурии Тоҷикистон дар татбиқи сиёсати давлатии ҷавонон» конференсияи вилоятӣ баргузор гардид. Дар он раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода, иҷрокунандаи раиси Вилояти Мухтори Кӯҳистони Бадахшон Алишер Мирзонабот, иҷрокунандаи раиси шаҳри Хоруғ Ризо Назарзода, кормандон ва ҷавонони касбу кори гуногун иштирок намуданд, иттилоъ дод корманди шуъбаи таҳлил ва иттилооти Кумитаи кор бо ҷавонон ва варзиши назди Ҳукумати Ҷумҳурии Тоҷикистон Муҳайё Саидамадзода.

Дар ҳамоиши мазкур  нотиқон аз корнамоӣ ва ғамхориву дастгирии ҳамаҷонибаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти татбиқи сиёсати давлатии ҷавонон ёдовар шуда, барои дар рӯҳияи ватандӯстиву меҳанпарастӣ тарбия ёфтани ҷавонон ва ҳифзу гиромӣ доштани дастовардҳои даврони истиқлолият даъват намуданд.

Ёдовар мешавем, ки конференсияи вилоятии «Нақши Президенти Ҷумҳурии Тоҷикистон дар татбиқи сиёсати давлатии ҷавонон» дар доираи сафари раиси Кумитаи кор бо ҷавонон ва варзиш Абдулло Раҳмонзода ба вилояти Мухтори Кӯҳистони Бадахшон  доир шуда, баргузории ин гуна чорабиниҳо дар дигар шаҳру ноҳияҳои вилоят дар назар аст.

АКС аз Кумитаи кор бо ҷавонон ва варзиш

Ноябрь 12, 2021 15:00

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд