Дар Кобул таркиш ба амал омад, хабар доданд ВАО

Ноябрь 24, 2021 13:25

ДУШАНБЕ, 24.11.2021 /АМИТ «Ховар»/. Дар як бозори Афғонистон, воқеъ дар маркази Кобул таркиш ба амал омад. Тавре  АМИТ «Ховар» иттилоъ медиҳад, хабар дар ин бора дирӯз дар саҳифаи Twitter-и TOLO News  нашр шуд.

Бино ба иттилои Aamaj News, инфиҷор бар асари таркиши минаи магнитие, ки ба мошини аъзои ҳаракати тундгарои «Толибон»* васл шуда буд, рух дод. Гуфта мешавад, ки пас аз таркиш садои тирпаронӣ низ шунида шудааст. Тафсилоти ҳодиса мушаххас карда мешавад.

Ёдовар мешавем, ки 15-17 ноябр дар Кобул таркишҳо рух доданд, ки дар ҷараёни онҳо қариб 6 нафар кушта шуданд. 2 ноябр дар бузургтарин госпитали низомии Кобул ба номи Сардор Муҳаммад Довудхон ду таркиш садо дод. Ба гуфтаи шоҳидони айнӣ, террористони «Давлати исломӣ»* ба бинои бемористон зада даромада, бо толибон вориди задухӯрд шуданд.

Баъди ба сари ҳокимият омадани гурӯҳи радикалӣ дар ҷумҳурӣ  рух додани амалҳои террористӣ афзуд. Қаблан котиби Шӯрои амният Николай Патрушев гуфта буд, ки дар сурати ба эътидол наомадани  вазъ дар Кобул ҳодисаҳо дар ин кишвар метавонанд тибқи сенарияи фалокатбор рушд ёбанд.

_______________________

*Ташкилоти террористии мамнӯъ дар Тоҷикистон

                                                                              АКС аз манбаъҳои боз

Ноябрь 24, 2021 13:25

Хабарҳои дигари ин бахш

Дар Покистон бар асари боронҳои шадид ва обхезӣ 307 нафар ҳалок ва даҳҳо нафар маҷруҳ шуданд
Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд
Пешгӯиҳои ҳарорат барои соли 2050 аз соли 2025 оғоз мегарданд
Коршиносони ИДМ лоиҳаи Нақшаи чорабиниҳо бахшида ба 35-солагии Иттиҳодро мувофиқа намуданд
Бинобар гармии рекордӣ дар Чин талабот ба неруи барқ ба нуқтаи баландтарин расид
Хисороти аз офатҳои табиӣ расида дар Чин аз 7,5 миллиард доллар зиёд шуд
Гармои шадид дар Испания дар ду моҳи охир сабаби марги 1180 нафар гардид
Бар асари боронҳои мавсимӣ ва обхезии шадид дар Покистон 104 нафар ҳалок гардид
Бархе аз минтақаҳои Аврупоро гармои шадид фаро гирифт
Бар асари фаромадани ярч ва обхезӣ дар шимоли Ҳиндустон 51 нафар ҳалок гардид