Дар таъмини амнияти озуқавории мамлакат саҳми арзанда гузорем,- бардошт аз силсиламулоқотҳо дар Ховалинг

Ноябрь 20, 2021 09:29

ДУШАНБЕ, 20.11.2021 /АМИТ «Ховар»/. Бо ташаббуси Кумитаи иҷроияи Ҳизби Халки Демократии Тоҷикистон  дар ноҳияи Ховалинг баргузории силсиламулоқотҳо бо ҳизбиён ва сокинони ноҳия бахшида ба 30-солагии Истиқлолияти давлатии Ҷумҳурии Тоҷикистон идома доранд, хабар доданд ба АМИТ «Ховар» аз Кумитаи  мазкур.

Аз ҷумла, 19 ноябр чунин як мулоқот ва суҳбат дар ташкилоти ибтидоии  ҳизбии  «Фарҳангиён»  ва бо кормандони китобхонаи марказии ноҳия гузаронида шуд.

Мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳияи Ховалинг  Саидҷалол Сатторов ба ҳозирин дар бораи дастовардҳои ноилгардидаи Тоҷикистон дар давоми 30  сол, саҳми  Пешвои миллат муҳтарам Эмомалӣ Раҳмон дар бунёди давлати навини тоҷикон, вазъи сиёсии ҷаҳон, аз ҷумла Афғонистони ҳамсоя ба таври васеъ маълумот дода, оид ба вазифаҳои аъзоёни ҲХДТ дар  вазъияти  имрўз изҳори назар кард.

Саидҷалол Сатторов оид ба сабаби болоравии нарху наво дар бозор ва дигар масъалаҳои таваҷҷуҳи назар сухан гуфта,  зикр кард, ки  «тибқи маълумотҳои оморӣ, дар тамоми сайёраи замин зиёда аз 854 млн нафар одамон аз гуруснагӣ ва камбуди ғизо ранҷ мебаранд. Тавре Пешвои миллат муҳтарам Эмомалӣ Раҳмон зимни Паёми худ ба Маҷлиси Олии ҷумҳурӣ иброз доштанд: «Мо амнияти озуқавории кишварро танҳо дар сурате таъмин карда метавонем, ки истеҳсоли маҳсулоти кишоварзии худиро ҳарчи бештар афзоиш дода, аз маводи ғизоии воридотӣ камтар вобаста бошем».

-Мо бо  самаранок истифода бурдани заминҳои наздиҳавлигӣ, гирифтани ду-се ҳосил аз он, зиёд намудани шумораи гармхонаҳои доимамалкунанда, парвариши чорво ва паранда дар хоҷагиамон  ва  риояи Қонуни Ҷумҳурии Тоҷикистон «Дар бораи танзими анъана ва ҷашну маросимҳои мардумӣ дар Ҷумҳурии Тоҷикистон» метавонем дар таъмини амнияти озуқавории  мамлакат саҳми арзанда гузорем, — шарҳ дод Саидҷалол Сатторов.

Сипас иштирокдорони мулоқот оид ба мавзўъҳои матраҳшаванда изҳори назар карданд.

 Аксҳо  аз Кумитаи иҷроияи ҲХДТ   дар ноҳияи Ховалинг

Ноябрь 20, 2021 09:29

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт