Директори Агентии содирот ва Президенти Донишкадаи байналмилалии менеҷменти Киеви Украина таъсиси Мактаби содиротро баррасӣ намуданд
ДУШАНБЕ, 01.11.2021 /АМИТ «Ховар»/. 28 октябр вохӯрии Директори Агентии содироти назди Ҳукумати Ҷумҳурии Тоҷикистон Шавкат Бобозода бо Президенти Донишкадаи байналмилалии менеҷменти Киеви Украина Ирина Тихомирова оид ба омӯзиши таҷрибаи байналмилалии пешбурди содирот баргузор шуд, хабар доданд ба АМИТ «Ховар» аз Агентии содирот.
Дар ҷараёни мулоқот масъалаҳои дарёфти бозорҳои содиротӣ, баланд бардоштани малакаи соҳибкорон, мусоидат намудан ҷиҳати рушди содироти маҳсулоти кишоварзӣ баррасӣ шуданд.
Инчунин ба масъалаи таъсиси мактаби содиротӣ дар назди Агентии содирот ҳавасмандӣ зоҳир карда шуд. Вазифаҳои асосии мактаби содиротӣ пешниҳоди хизматрасониҳои босифат ва касбӣ ба содиркунандагон тавассути дастгирии методологӣ, иттилоотӣ, машваратӣ оид ба рушди ҳамкорӣ миёни содиркунандагон, бастани шартномаҳои содиротӣ, инчунин омӯзиш дар таҳияи барномаҳо ва нақшаҳои рушди содирот, дар маҷмӯъ ташкили ҳамкории самарабахши субъектҳо бо мақомоти давлатӣ мебошанд.
Айни замон Агентии содирот якҷо бо созмонҳои байналмилалӣ ҷиҳати баланд бардоштани малакаи соҳибкорон дар самти омода намудани нақшаҳои пешбурди фаъолият ва содироти маҳсулот доир ба масъалаи таъсиси Мактаби содирот дар минтақаҳои ҷумҳурӣ, дастгирии иттилоотӣ ва таълимӣ ба субъектҳои содироткунанда барои ворид шудан ба сатҳи савдои байналмилалӣ ва баланд бардоштани самаранокии таъминоти содиротии онҳо кор мебарад.
АКС: Агентии содироти назди Ҳукумати ҶТ
Дар Форуми дуюми байналмилалии сармоягузории Озарбойҷон имконоти сармоягузории Тоҷикистон муаррифӣ карда шуд
Ҷалби сармояи Британияи Кабир ба соҳаҳои афзалиятноки иқтисоди Тоҷикистон баррасӣ гардид
Дар ҷаласаи Шуро оид ба авиатсия ва истифодаи фазои ҳавоӣ рушди ҳамкории байнидавлатӣ дар соҳаи авиатсияи гражданӣ баррасӣ шуд
Дар Урумчӣ масъалаҳои тавсеаи ҳамкории тиҷоратию иқтисодии Тоҷикистон ва Синзян баррасӣ шуданд
Дар Душанбе масъалаҳои идоракунии муосири таваккал дар фаъолияти гумрукӣ баррасӣ шуданд
Масоили табодули таҷриба ва омӯзиши мутахассисони тоҷик дар озмоишгоҳҳои Институти байтории Италия баррасӣ гардид
Байни мақомоти гумруки Тоҷикистон ва Русия Протокол ба имзо расонида шуд
Дар Минск масъалаҳои рушди ҳамкории геологӣ дар доираи ИДМ баррасӣ гардиданд
Дар вилояти Суғд ҳар сол қариб дар 35 ҳазор гектар кишти такрорӣ гузаронида мешавад
Густариши робитаҳои мустақими соҳибкорӣ байни Тоҷикистон ва Эрон баррасӣ гардид
Рушди робитаҳои тиҷоратию сармоягузории бахши хусусӣ байни Тоҷикистон ва Чин баррасӣ карда шуд
Дурнамои ҳамкорӣ байни вазоратҳои молияи Тоҷикистон ва Полша баррасӣ гардид
