ЭЙ СОРБОН, ОҲИСТА РОН! Дар садамаи маргбор бо айби ронандаи ширкати «Олуча Авто-7000» марди 56-сола дар ҷои ҳодиса ба ҳалокат расид
ДУШАНБЕ, 30.11.2021 /АМИТ «Ховар»/. 29 ноябр ронандаи мошини тамғаи «Хундай Аксент» Ҳакимов Фаридун Хурсандмуродович, соли таваллудаш 27 декабри соли 1995, сокини шаҳри Ҳисор, бо сабаби баланд будани суръати ҳаракат пиёдагард Қаюмов Ҳусейн Қодирович, соли таваллудаш 1965-ро пахш намуда, ба ҳалокат мерасонад, хабар медиҳад АМИТ «Ховар» бо истинод ба маркази матбуоти Раёсати ВКД дар шаҳри Душанбе.
Фаридун Ҳакимов ҳангоми ҳаракат аз самти кӯчаи Саъдии Шерозӣ ба самти кӯчаи Ҷаббор Расулови пойтахт бо сабаби баланд будани суръати ҳаракат аз уҳдаи идораи воситаи нақлиёт набаромада, пиёдагард Қаюмов Ҳусейн Қодировичро, ки аз қисмати рости роҳ ба самти чапи роҳ тавассути роҳи пиёдагузар мегузашт, пахш намудааст. Дар натиҷа, марди пиёдагард ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
Айни ҳол нисбат ба ронанда Фаридун Ҳакимов тибқи талаботи моддаи 212-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, ронанда дар ҳабси пешакӣ қарор дошта, нисбат ба ҳодисаи мазкур чорабиниҳои тафтишӣ идома доранд.
Ёдовар мешавем, ки 4 ноябри соли равон дар мулоқоти роҳбарияти Мақомоти иҷроияи ҳокимияти давлатии шаҳри Душанбе дар якҷоягӣ бо Раёсати Вазорати корҳои дохилӣ дар шаҳри Душанбе бо роҳбарону масъулини ширкатҳои мусофиркашонии ҷамъиятӣ, давлативу хусусӣ, масъулини бахшу хадамоти назоратӣ дар самти роҳу нақлиёти шаҳри Душанбе зикр шуд, ки дар 9 моҳи соли ҷорӣ яке аз мушкилоти ташвишовар он аст, ки баъзе ронандагони нақлиёти мусофиркаши таксӣ дар ҳолати сархушӣ аз воситаҳои нашъадор пушти чанбараки мошин нишаста, суръати ҳаракатро дар роҳ баланд карда, садамаи нақлиётӣ содир намудаанд, ки воқеан боиси нигаронист.
Дар ин давра аз ҷониби ронандагони нақлиёти кироякаш (таксӣ) 6 далели дар ҳолати мастӣ ва 18 далели зери таъсири воситаҳои нашъадор идора намудани воситаи нақлиёт ба қайд гирифта шудааст, ки зимнан ҳангоми идораи воситаи нақлиёт ронандагон ҳаёти худ ва мусофиронро зери хатар гузоштаанд.
АКСҲО: РВКД дар шаҳри Душанбе
Дар шаҳри Бӯстон мулоқоти гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
«МУШКИЛОТИ МУБОРИЗА БО ҶИНОЯТКОРӢ ДАР ФАЗОИ АВРУОСИЁ». Таҳти чунин унвон дар Душанбе конфронси байналмилалӣ доир шуд
Байни Тоҷикистон ва Иёлоти Муттаҳидаи Амрико Ёддошти тафоҳум оид ба ҳамкорӣ дар бораи татбиқи Низоми ҳифзшудаи муқоисавӣ ба имзо расид
Байни Ҳукумати Ҷумҳурии Тоҷикистон ва Ҳукумати Малайзия Шартнома дар бораи ёрии мутақобилаи ҳуқуқӣ оид ба парвандаҳои ҷиноятӣ ба имзо расид
Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад
Бахшида ба Рӯзи кормандони ҳифзи сирри давлатӣ озмоишгоҳи ҳифзи техникии иттилоот ва бахши хизматрасонии техникӣ ифтитоҳ ёфт
Дар шаҳри Фарғона мулоқоти роҳбарони хадамоти махсуси Қирғизистон, Тоҷикистон ва Узбекистон баргузор гардид
Бо мақсади таъмини ҳифзи сирри давлатӣ ва ҳифзи техникии иттилоот дар Тоҷикистон ҳамоиш доир шуд
Даъвати баҳорӣ ба Артиши миллӣ бо эҳсоси баланди ватандӯстӣ идома дорад
Вохӯрии навбатии гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Ҳамкории мақомоти корҳои дохилии Тоҷикистон ва Италия тақвият меёбад
ДАЪВАТИ БАҲОРИИ ШАҲРВАНДОН. Ин маъракаи муҳими сиёсӣ дар шаҳру ноҳияҳои Тоҷикистон муташаккилона идома дорад
