Имрӯз дар Москва нишасти котибони Шӯрои амнияти кишварҳои узви ИДМ баргузор мегардад
ДУШАНБЕ, 17.11.2021 /АМИТ «Ховар»/. Вохӯрии ҳарсолаи котибони Шӯрои амнияти кишварҳои узви Иттиҳоди давлатҳои мустақил имрӯз, 17 ноябр дар Москва доир мегардад. Дар ин бора АМИТ «Ховар» бо истинод ба ТАСС хабар медиҳад.
Дар назар аст, ки дар вохӯрӣ масъалаҳои ҳамкории кишварҳои ИДМ оид ба мушкилоти рӯзмарраи миллӣ, минтақавӣ ва амнияти байналмилаӣ баррасӣ карда шаванд.
Моҳи октябр дар Москва ҷаласаи роҳбарони мақомоти амниятӣ ва хадамоти иктишофи ИДМ бо иштироки намояндагии 9 кишвар-Озарбойҷон, Арманистон, Беларус, Қазоқистон, Қирғизистон, Русия, Тоҷикистон, Туркманистон ва Узбекистон доир шуд.
Тавре он замон котиби Шӯрои амнияти Русия Николай Патрушев зикр намуда буд, хатарҳое ки кишварҳои ИДМ бо онҳо рӯ ба рӯ мешаванд, доимо тағйири шакл менамоянд, аз ҷумла лозим меояд дар самти амнияти иқтисодӣ роҳҳои ҳалли ғайримаъмулӣ ҷустуҷӯ намоем.
Котиби Шӯрои амнияти Русия зикр намуд, ки бо кӯшишу талошҳои якҷояи кишварҳои ИДМ ба таври доимӣ барои муқовимат бо терроризми байналмилалӣ, экстремизм, ҷиноятҳои муташаккил, маводи мухаддир ва инқилоби ранга тадбирҳо андешида мешаванд.
Диққати асосиро Патрушев дар ҷаласа ба ҳамкорӣ ба вазъи Афғонистон равона кард. Ӯ иброз дошт, ки ба амнияти кишварҳои ИДМ «саросемавор баровардани низомиён аз минтақаи Афғонистон» таъсири манфӣ ва ҷиддӣ расонид. Ба гуфтаи котиби Шӯрои амнияти Русия, ба кӯшиши толибон* дар робита ба мубориза бар зидди маводи мухаддир ҳоло мебояд баҳо дод. Дар робита ба ин, Патрушев даъват намуд,ки дар доираи Иттиҳод табодули иттилоотро оид ба тарҳҳои созмонҳои террористии байналмилалӣ васеъ намоем.
Вохӯрии котибони Шӯрои амнияти кишварҳои узви ИДМ инчунин моҳи ноябри соли 2020 дар шакли видеоконфронс баргузор гардида буд. Он замон иштирокчиёни ҷаласа масоили таъсири кишварҳои хориҷиро ба фазои ИДМ, мубориза бар зидди хатарҳои нави биологӣ, аз ҷумла, бо дарназардошти мубориза бар зидди коронавирус ва чолишҳо дар самти фазои иттилоотиро баррасӣ намуданд. Илова бар ин котибони шӯроҳои амниятӣ маълумот оид ба зеҳни сунъӣ ва аҳамияти он дар таъмини амнияти миллиро шуниданд.
______________________
*«Толибон» — ҳаракати мамнуъ дар Тоҷикистон ва Русия
АКС аз манбаъҳои боз
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
Раҷабалӣ Раҳмоналӣ: «Ҳодисаҳои ғарқшавӣ асосан бо сабаби риоя накардани қоидаҳои оббозӣ ба амал меоянд»
НИШАСТИ МАТБУОТӢ. Шумораи ҳолатҳои фавқулодаи табиӣ дар Тоҷикистон 519 ҳолат афзоиш ёфтааст
