«Истиқлол», «Хатлон» ва «Хуҷанд» дар Чемпионати Тоҷикистон миёни дастаҳои Лигаи олӣ ғолиб омаданд
ДУШАНБЕ, 04.11.2021 /АМИТ «Ховар»/. Дирӯз бозиҳои даври 23-юми Чемпионати Тоҷикистон оид ба футбол миёни дастаҳои Лигаи олӣ дар варзишгоҳҳои мамлакат дубора оғоз гардиданд. Дар рӯзи якуми сабқат дастаҳои футболи «Истиқлол»-и шаҳри Душанбе бо КМВА-и шаҳри Душанбе, «Хатлон»-и шаҳри Бохтар бо «Эсхата»-и шаҳри Хуҷанд ва «Истаравшан»-и шаҳри Истаравшан бо «Хуҷанд»-и шаҳри Хуҷанд вориди майдони рақобат шуданд, иттилоъ медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Дар даври мазкур дастаи «Истиқлол»-и шаҳри Душанбе бар дастаи футболи КМВА-и шаҳри Душанбе бо ҳисоби 3:1 ғолиб омад. Голҳои ин вохӯрии ҷолибро Рёта Нома, Анрей Мишенко, Шервонӣ Мабатшоев ва Шарафҷон Солеҳов ба нишон расониданд.
Дар бозии дигари ин давр дастаи футболи «Хатлон»-и шаҳри Бохтар дастаи «Эсхата»-и шаҳри Хуҷандро бо ҳисоби 2:1 мағлуб намуд. Голҳои рақобатро Сорбон Афғонов, Парвиз Баки-Ахунов ва Ҷаҳонгир Эргашов ба ҳадаф расониданд.
Дар бозии дигар дастаи футболи «Истаравшан»-и шаҳри Истаравшан аз дастаи «Хуҷанд»-и шаҳри Хуҷанд бо ҳисоби 2:1 шикаст хӯрд. Голҳои ин сабқати ҷолибро Шаҳзодҷон Маъмурҷонов, Олимҷон Каримов ва Комрон Турсунов ба нишон расониданд.
Чемпионати Тоҷикистон-2021
Лигаи олӣ. Даври 24-ум
«Истаравшан» – «Хуҷанд» – 1:2
Голҳо: Шаҳзодҷон Маъмурҷонов, 45 (1:0). Комрон Турсунов, 45+2 –пеналти (1:1). Олимҷон Каримов, 59 (1:2).
«Хатлон» – «Эсхата» – 2:1
Голҳо: Сорбон Авғонов, 7 (1:0). Ҷаҳонгир Эргашев, 35 (1:1). Парвиз Боқӣ-Охунов, 85 (2:1).
Лигаи футболи Тоҷикистон. Даври 24-ум
«Истиқлол» — КМВА — 3:1
Голҳо: Рёта Нома, 6 (1:0). Андрей Мишенко, 16 (2:0). Шервонӣ Мабатшоев, 21 аз пеналти (3:0). Шарафҷон Солеҳов, 70 (3:1).
Пас аз натиҷагирии 23 даври бозиҳо мисли пеш дастаи футболи «Истиқлол»-и шаҳри Душанбе пешсаф буда, 58 хол дар ихтиёр дорад. Дастаи футболи «Хуҷанд»-и шаҳри Хуҷанд бо 13 хол камтар (45) дар ҷои дуюм аст.
КМВА, ки холҳояш ба 36 адад расидааст, мавқеашро барои медалҳои биринҷӣ мустаҳкамтар кард.
| ҶОЙИ | ДАСТАҲО | Б | Ғ | М | Б | Т-Т | Х |
| 1 | «Истиқлол» (Душанбе) | 23 | 18 | 4 | 1 | 57-7 | 58 |
| 2 | «Хуҷанд» (Хуҷанд) | 22 | 13 | 3 | 5 | 43-21 | 45 |
| 3 | КМВА (Душанбе) | 22 | 10 | 6 | 7 | 33-26 | 36 |
| 4 | «Истаравшан» (Истаравшан) | 23 | 9 | 5 | 9 | 24-22 | 32 |
| 5 | «Хатлон»(Бохтар) | 23 | 9 | 5 | 9 | 23-27 | 32 |
| 6 | «Эсхата» (Хуҷанд) | 23 | 8 | 3 | 12 | 29-40 | 27 |
| 7 | «Равшан» (Кӯлоб) | 22 | 6 | 8 | 8 | 22-26 | 26 |
| 8 | «Файзканд» (Восеъ) | 22 | 5 | 5 | 12 | 15-29 | 20 |
| 9 | «Кӯктош»(Рӯдакӣ) | 22 | 5 | 5 | 12 | 31-50 | 20 |
| 10 | «Душанбе» (Душанбе) | 22 | 4 | 6 | 12 | 21-50 | 18 |
АКС аз Федератсияи футболи Тоҷикистон
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
Иштирокдорони Бозиҳои 20-уми Осиёӣ—2026-ро дар Фурудгоҳи байналмилалии Душанбе истиқбол гирифтанд
Дастаи мунтахаби Тоҷикистон дар бозии дӯстона бар тими миллии Чин пирӯз шуд
