Масъалаҳои дарёфти бозорҳои содиротӣ дар мулоқоти директори Агентии содироти Тоҷикистон бо Сафири Олмон дар Тоҷикистон баррасӣ шуданд

Ноябрь 26, 2021 13:20

ДУШАНБЕ, 26.11.2021 /АМИТ «Ховар»/. Масъалаҳои дарёфти бозорҳои содиротӣ, баланд бардоштани иқтидорҳои содиротӣ ва мусоидат намудан ҷиҳати содироти маҳсулоти ватанӣ, аз ҷумла меваи хушк, пиёз ва сабзӣ 25 ноябр дар мулоқоти  директори Агентии содироти назди Ҳукумати Ҷумҳурии Тоҷикистон Шавкат Бобозода бо Сафири Фавқулода ва Мухтори Ҷумҳурии Федеративии Олмон дар Тоҷикистон Андреас Протманн ва директори Ҷамъияти Олмон оид ба ҳамкории байналмилалӣ (GIZ) дар Тоҷикистон хонум Сабине Олтхоф мавриди муҳокима қарор гирифтанд, хабар доданд ба АМИТ «Ховар» аз Агентии содирот.

Дар ҷараёни мулоқот директори Агентӣ гуфт, ки яке аз нишондиҳандаҳои асосии маҳсулоти кишоварзӣ-ин содироти меваҳои хушсифату тару тоза, мева ва сабзавоти хушк мебошад, ки солҳои охир дар бозори ҷаҳонӣ харидори зиёд пайдо намудааст. Маҳсулоти ватании Тоҷикистон аз ҷиҳати экологӣ тоза ва болаззату шаҳдбор буда, дар хориҷи кишвар бозорҳои содиротии худро ёфтаанд.

Зикр шуд, ки бо қарори Ҳукумати Ҷумҳурии Тоҷикистон Барномаи давлатии рушди содироти Ҷумҳурии Тоҷикистон барои солҳои 2021-2025 қабул шудааст, ки ҳадафи он рушди содироти молу хизматрасонӣ, таҳкими истеҳсолоти ба содирот нигаронидашуда ва ивазкунандаи воридот, кам кардани ҳиссаи молҳои истеъмолӣ ва хизматрасонӣ дар ҳаҷми умумии воридот, фароҳам овардани шароити мусоид барои татбиқи сиёсати хориҷии иқтисодии давлатӣ, инчунин баланд бардоштани рақобатпазирии маҳсулоти ватанӣ дар бозорҳои дохилӣ ва хориҷӣ мебошад. Дар заминаи ин барнома дар назди Агентӣ вазифаҳое дар самти дастгирии содирот пешниҳод гардидаанд, ки дар ин самт мусоидати шарикони рушд, аз ҷумла, Сафорати Олмон ва Ҷамъияти Олмон оид ба ҳамкории байналмилалӣ (GIZ) барои ҳамкории минбаъда мувофиқи мақсад мебошад.

Дар фарҷоми вохӯрӣ имконияти содироти маҳсулоти ватанӣ, инчунин самтҳои асосии фаъолияти Агентии содирот, аз ҷумла мусоидат ба рушди босуботи миқдор ва сифати содироти молу маҳсулоти ватанӣ ба хориҷи кишвар, мусоидат дар баланд бардоштани иқтидори содиротии кишвар ва ҷалби харидорон аз хориҷи кишвар муаррифӣ шуд.

 АКС: Агентии содироти назди Ҳукумати ҶТ

Ноябрь 26, 2021 13:20

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид