ОБУ ҲАВО: Имрӯз дар ноҳияҳои алоҳидаи кӯҳӣ дар Тоҷикистон бориши борон ва барф дар назар аст

ДУШАНБЕ, 10.11.2021 /АМИТ “Ховар”/. Имрӯз дар ҷумҳурӣ ҳаво абрнок ва тағйирёбанда шуда,  дар ноҳияҳои алоҳидаи кӯҳӣ бориши борон ва барф дар назар аст, иттилоъ доданд аз Агентии обуҳавошиносии Тоҷикистон ба АМИТ «Ховар». 

Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво тағйирёбанда шуда, дар баъзе ноҳияҳо борон ва барф меборад.  Шамол аз самти ғарб бо суръати 4-9 метр дар як сония мевазад.  Ҳаво дар ғарби вилоят шабона  0-5 дараҷа хунук ва рӯзона 7+12 дараҷа гарм мешавад. Дар шарқи вилоят ҳаво шабона 10-15 дараҷа  хунук, дар баъзе минтақаҳо то 15-20 дараҷа  хунук ва рӯзона   2+3  дараҷа гарм  мешавад.

Ҳаво дар вилояти Суғд абрнок ва дар баъзе ҳолатҳо тағйирёбанда шуда, дар водиҳо борони кӯтоҳмуддат меборад. Дар ноҳияҳои алоҳидаи кӯҳӣ бориши борон ва барф дар назар буда,  дар баъзе ноҳияҳо тормеғ мефарояд. Шамол  аз самти ғарб бо суръати 5-10 метр дар як сония мевазад. Ҳаво  дар водиҳо шабона 0+5 дараҷа гарм  ва рӯзона 9+14  дараҷа гарм мешавад.  Дар ноҳияҳои кӯҳӣ ҳаво шабона  0-5 дараҷа хунук  рӯзона 2+7  дараҷа гарм мешавад.

Дар вилояти Хатлон  ҳавои абрнок  ва тағйирёбанда пешбинӣ шуда,  дар баъзе ноҳияҳо борони кӯтоҳмуддат меборад. Дар баландиҳои зиёда аз 2200 метр барф борида, дар ноҳияҳои алоҳида тормеғ мефарояд. Шамол аз самти ғарб бо суръати 4-9  метр дар як сония мевазад.  Ҳаво дар водиҳо шабона 4+9  дараҷа гарм  ва рӯзона 11+16  дараҷа гарм мешавад.  Дар доманакӯҳҳо ҳаво шабона 2+7 дараҷа гарм ва рӯзона 5+10 дараҷа гарм мешавад.

Дар шаҳру ноҳияҳои тобеи марказ ҳаво абрнок, дар баъзе ҳолатҳо тағйирёбанда шуда, дар водиҳо борони кӯтоҳмуддат меборад. Дар ноҳияҳои алоҳидаи кӯҳӣ бори борон ва барф ба амал омада, дар баъзе ҳолатҳо тормеғ (туман) мефарояд. Шамол аз самти ғарб бо суръати 4-9 метр дар як сония мевазад.  Ҳаво  дар водиҳо  шабона 1+6 дараҷа гарм ва рӯзона  9+14  дараҷа гарм мешавад.  Дар ноҳияҳои кӯҳӣ ҳаво шабона аз 2 дараҷа хунук то 3 дараҷа гарм ва рӯзона 0+5 дараҷа гарм мешавад.

Дар  шаҳри Душанбе ҳавои абрнок ва тағйирбанда дар назар буда,  борони кӯтоҳмуддат меборад. Туман мефарояд.  Шамол аз самти ғарб бо суръати 3-8 метр дар як сония мевазад. Ҳаво шабона  3+5 дараҷа гарм ва рӯзона 10+12 дараҷа гарм мешавад.