Фармондеҳи Округи ҳарбии марказии Русия аз шиддатёбии хатар аз ҷониби Афғонистон хабар дод
ДУШАНБЕ, 09.11.2021 /АМИТ «Ховар»/. Округи ҳарбии марказии Русия дар пасманзари шиддатёбии таҳдидҳои террористӣ аз ҷониби Афғонистон омодагии ҷангии неруҳоро баланд бардошта, онҳоро бо навъҳои нави аслиҳа муҷаҳҳаз мегардонад. Тавре АМИТ «Ховар» бо истинод ба INTERFAX.RU хабар медиҳад, дар ин бора ба рӯзноманигорон фармондеҳи низомиёни ОҲМ Александ Лапин иттилоъ дод.
«Таҳлилҳои низомӣ-сиёсӣ дар самти Осиёӣ-Марказӣ аз он шаҳодат медиҳанд, ки хатарҳо аз ҷониби Афғонистон дар ҳоли шиддатёбиянд. Вобаста ба ин вазъият талоши асосии Округи ҳарбии марказӣ ба баланд бардоштани омодагии ҷангии низомиён, муҷаҳҳазгардонӣ бо техникаҳои муосир, инчунин озмудани усулҳои нави ҷангӣ миёни ҳарбиён равона шудааст»,-зикр намуд ӯ пас аз маросими супоридани ҷоизаҳо ба ғолибони марҳилаи минтақавии Фестивали умумирусиягии матбуоти «Медиа-Ас сентр 2021».
«Якбора дар лаҳзаи кӯтоҳ (дар Афғонистон-) дигаргуншавии вазъият ба амал омад. Мо дар Тоҷикистон зиёда аз 20 машқҳои ғайринақшавиро ҳам дар сатҳи фаврӣ ва ҳам тактикӣ гузаронидем. Муҳимтаринаш он машқҳое буданд, ки дар майдонҳои «Ҳарб-Майдон», «Момирак», Самбулӣ» ва «Лоҳур» гузаронида шуданд. Ҷамъбасти омодагиҳо дар Тоҷикистон- ин машқҳои байналмилалии «Ҳамкорӣ-2021» ба ҳисоб мераванд, ки мо бо ин тамринҳо соли омӯзиширо ба анҷом намерасонем. Барои мо ҳоло тамрин дар Қазон дар пеш аст, аз ҷумла машқи ҳарбии «Бародарии шикастнопазир»,-изҳор дошт генерал-полковник Лапин.
Фармондеҳи Округи марказии ҳарбӣ зикр намуд, ки дар умум дар Округ соли ҷорӣ беш аз 200 тамрин дар шаклу миқёси гуногун гузаронида шуданд.
«Мо омодагии ҷиддии худро дар самти безараргардонии ҳама гуна хатарҳои террористӣ нишон додем»,-иброз дошт Лапин.
Бояд гуфт, ки низомиёни Округи ҳарбии марказӣ имсол беш аз 1 ҳазор навъи техникаҳои низомии муосир ба даст оварданд, аз ҷумла ҳавопаймоҳои Су-34 и МиГ-31БМ, стансияҳои радарии «Каста» ва «Небо-У», системаҳои зенитии ракетавии С-300ПМ2, мошинҳои ҷангии пиёдагард БМП-2М, инчунин мошинҳои ҷангии ҳимояткунандаи танкҳо «Терминатор», танкҳои такмилдодашудаи Т-72Б3М ва системаҳои зиддитанкии «Штурм-С».
АКС: Хадамоти матбуоти ОҲМ ФР
Дар шаҳри Кӯлоб бо иштироки гурӯҳҳои корӣ ҷаласа баргузор шуд
Прокуратураи генералӣ: «Худ ва наздиконатонро аз ҳамлаҳои хакерӣ эмин нигоҳ доред!»
Дар шаҳри Москва бо афсарону курсантони тоҷик вохӯрӣ доир шуд
Ҷаласаи кумитаи роҳбарикунандаи Барномаи Раёсати СММ оид ба маводи нашъаовар ва ҷинояткорӣ дар Осиёи Марказӣ доир шуд
Нақшаи даъвати тирамоҳии шаҳрвандон ба сафи Қувваҳои мусаллаҳи Тоҷикистон пурра иҷро гардид
Ҷаласаи мушовараи Вазорати корҳои дохилии Тоҷикистон ва Русия баргузор гардид
Дар Вазорати корҳои дохилии Тоҷикистон бахшида ба Рӯзи Президент ҳамоиши идона доир гардид
САВГАНДИ ҲАРБӢ. Дар қисмҳои ҳарбии Кумитаи ҳолатҳои фавқулода ва мудофиаи гражданӣ маросими қасамёдкунӣ доир шуд
Котиби Шурои амнияти Ҷумҳурии Тоҷикистон бо Сафири Ҳиндустон мулоқот намуд
Ҳамкории мақомоти корҳои дохилии шаҳри Душанбе бо Департаменти ҷамъиятии бехатарии шаҳри Нанкини Чин густариш меёбад
Тоҷикистон ва Чин робитаҳои дуҷонибаро дар самти омода намудани кадрҳои баландихтисос таҳким мебахшанд
Дар Туркманистон масъалаи бешаҳрвандӣ ва бақайдгирии таваллуди кӯдак дар давлатҳои Осиёи Марказӣ баррасӣ шуд
