ТАҚВИМИ АМИТ «ХОВАР»: имрӯз 23 ноябр, сешанбе, 327-умин рӯзи соли 2021 аст

23 ноябри соли 2015 Президенти Ҷумҳурии Тоҷикистон муҳтарам Эмомалӣ Раҳмон Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи низоми иҷозатдиҳӣ»-ро имзо  карданд.

***

6 сол пеш, 23 ноябри соли 2015 дар шаҳри Душанбе ҷаласаи Шӯрои амнияти Ҷумҳурии Тоҷикистон доир гашт.

***

Дар ин рӯзи соли 2016 Федератсияи Россия созишномаи байниҳукуматӣ бо Ҷумҳурии Тоҷикистонро дар бораи таъсис додани намояндагии муштараки хадамоти гумрук тасдиқ намуд.

23 НОЯБР ТАҶЛИЛ КАРДА МЕШАВАД:

Дар Қазоқистон- Рӯзи полиси роҳ.

***

Дар Япония – Рӯзи миннатдорӣ ба меҳнат.

РӮЙДОДҲО:

 23 ноябри соли 2017 дар шаҳри Душанбе даври дуюми машваратҳои сиёсӣ байни Вазорати корҳои хориҷии Ҷумҳурии Тоҷикистон ва Вазорати умури Аврупо ва корҳои хориҷии Ҷумҳурии Франсия баргузор гаштанд.

***

23 ноябри соли 1877 ИМА ба Канада барои ҳуқуқи моҳигирӣ ва дарёгардии доимӣ дар дарёи Лаврентияи муқаддас 5,5 млн доллар пардохт кард.

***

98 сол муқаддам,  23 ноябри соли 1923 Ҳизби коммунистии Германия баста шуд.   

***

Дар ин рӯзи соли 1939 дар Германия  барои фурӯши хӯроки ҳайвоноти хонагӣ меъёр ҷорӣ гардид.

***

23 ноябри соли 1980 дар натиҷаи заминларза дар Италияи Ҷанубӣ зиёда аз 5 ҳазор нафар ба ҳалокат расиданд.

***

23 ноябри соли 1981 дар Чин ба тиҷорати хусусӣ иҷозат дода шуд.

 ИНЧУНИН ДАР ИН РӮЗ…

 Соли 2006 дар Тоҷикистон аввалин Намоиши байналмилалии саноати хӯроквории «Inter Food Tajikistan — 2006» баргузор гардид.

***

Соли 1998 дар шаҳри Бирмингеми Англия  аввалин оркестри  мусиқии калонтарин дар таърих, ки аз 3503 нафар мусиқинавоз иборат буд, ҳунарнамоӣ кард.