Ҷаласаи 21-уми Ассамблеяи генералии КМО Тоҷикистон 28 декабр баргузор мегардад

Декабрь 7, 2021 16:11

ДУШАНБЕ, 07.12.2021 /АМИТ «Ховар»/. 7 декабр зимни ҷаласаи Кумитаи иҷроияи Кумитаи миллии олимпии Тоҷикистон иттилоъ дода шуд, ки бо қарори Кумитаи иҷроия ҷаласаи 21-уми Ассамблеяи генералии КМО Тоҷикистон  28 декабр дар шаҳри Душанбе даъват карда мешавад, хабар медиҳад АМИТ «Ховар» бо истинод ба Кумитаи миллии олимпии Тоҷикистон.

Дар ҷаласаи ҷамъбасти соли 2021 ҳисоботи Кумита дар солҳои 2017-2021, нақшаи кор ва буҷети Кумита дар соли 2022 муҳокима ва барои тасдиқ ба ҷаласаи Ассамблеяи генералии Кумита пешниҳод гардид.

Дар асоси нақшаи кори КМО Тоҷикистон соли 2022 таҷлили 30-солагии таъсиси Кумита, инчунин иштироки ҳайати олимпии Тоҷикистон дар Бозиҳои зимистонаи олимпӣ дар шаҳри Пекини Ҷумҳурии Мардумии Чин, Бозиҳои Осиё дар Ҳангжоуи Ҷумҳурии Мардумии Чин, Бозиҳои ҳамбастагии исломӣ дар шаҳри Қунияи Туркия, Бозиҳои варзишии “Бачаҳои Осиё” дар Владивостоки Русия ва Бозиҳои осиёии наврасон дар Шантоуи Чин пешбинӣ шудааст.

Кумитаи иҷроия ҳамчунин тақсимоти маблағи Барномаи дастгирии молиявии варзишгарон -Париж-2024-ро барои 17 варзишгар тасдиқ карда, барои мувофиқа ба Ҳамбастагии олимпӣ пешниҳод намуд.

Барномаи дастгирии молиявии варзишгарон – Париж-2024 аз моҳи январи соли 2022 шурӯъ гардида, то моҳи августи соли 2024 идома меёбад.

АКС: КМО Тоҷикистон

Декабрь 7, 2021 16:11

Хабарҳои дигари ин бахш

«ANTALYA GRAND SLAM-2024». Ҷудочии тоҷик Эмомалӣ Нуралӣ ба финал баромад
Ширкати «Париматч Тоҷикистон» сарпарасти кулли Лигаи якум-2024 гардид
Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд