Ҳашт варзишгари тоҷик дар Ҷоми 18-уми ҷаҳон оид ба бокс миёни мардону занон ширкат доранд
ДУШАНБЕ, 08.12.2021 /АМИТ «Ховар»/. 7 декабр дар шаҳри Нижневартовскии Федератсияи Русия Ҷоми 18-уми ҷаҳон оид ба бокс миёни мардону занони аз 19 то 40-сола оғоз гардид, ки то 11 декабр идома меёбад. Мусобиқаи мазкур ба хотираи Қаҳрамони меҳнати сотсиалистӣ Фармон Салмонов бахшида шудааст, хабар доданд аз Федератсияи бокси Тоҷикистон ба шореҳи варзиши АМИТ «Ховар».
Дастаҳои мунтахаби бокси 16 мамлакати дунё, аз ҷумла муштзанони тоҷик дар мусобиқаи мазкур ширкат мекунанд. Дастаи мунтахаби Тоҷикистон дар ҳайати 8 нафар – 2 духтар ва 6 писар ба ин мусобиқаи сатҳи ҷаҳонӣ сафарбар гардид. Миҷгона Самадова, Шоира Зулқайнарова, Акбаралӣ Абдураҳмонзода, Абдураҳмон Ёқубов, Шамшер Саидов, Наврӯз Ҷафоев ва Сулаймон Нодиров дар ин мусобиқа Ҷумҳурии Тоҷикистонро намояндагӣ менамоянд.
Дар рӯзи якуми мусобиқот 4 тан варзишгарони тоҷик ҳунарнамоӣ карданд. Дар рӯзи якум варзишгари тоҷик Шамшер Саидов дар вазни 67 кг ҳунарнамоӣ намуд. Рақиби Шамшер варзишгари рус Алис Шарифов буд. Варзишгари 20-солаи тоҷик тавонист ин ҳарифи худро шикаст дода, ба даври навбатӣ барояд.
Муштзани дигари тоҷик Наврӯз Ҷафоев дар вазни 86 кило бо варзишгари озарӣ Элдор Кулиев рақобат намуд. Наврӯз Ҷафоев дар ин набард дучори бохт шуд. Муштзани дигари тоҷик Акбаралӣ Абдураҳмонзода дар вазни -51кг аз рақиби русаш мағлуб шуд.
Дар рақобатҳо миёни бонувон Миҷгона Самадова дар вазни 57 кг маҳорати баланд нишон дода, дар даври аввал бо намояндаи Муғулистон Мичидма Эрденедалай қувва санҷид. Аз аввали рақобат бартарӣ дар дасти Миҷгона буд. Ӯ тамоми се раунд сӯи ҳариф зарбаҳои пайдарпай равон мекард, ки ҳамаи онҳо мустақим буданд. Ин буд, ки доварон бо қарори якдилона пирӯзиро ба Миҷгона Самадова доданд.
Ёдовар мешавем, ки дар доираи Ҷоми ҷаҳон оид ба намуди бокс ҳамчунин Шоира Зулқайнарова, Абдураҳмон Ёқубов ва Сулаймон Нодиров аз Тоҷикистон намояндагӣ менамоянд.
АКС аз манбаъҳои боз
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
