Бозии дастаҳои футболи «Хуҷанд» ва «Истиқлол» мусовӣ анҷом ёфт
ДУШАНБЕ, 02.12.2021 /АМИТ «Ховар»/. Дирӯз дар варзишгоҳи «20-солагии Истиқлолияти Тоҷикистон»-и шаҳри Хуҷанд бозии мавқуфгузоштаи даври нуҳуми чемпионати Тоҷикистон-2021 миёни дастаҳои футболи «Хуҷанд»-и шаҳри Хуҷанд ва «Истиқлол»-и шаҳри Душанбе хеле ҷолиб доир гардида, бо ҳисоби мусовии 0:0 анҷом ёфт, иттилоъ медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Пеш аз даври ҷамъбастии Чемпионати Тоҷикистон-2021 миёни дастаҳои Лигаи олӣ ҳанӯз номаълум аст, ки мақоми сеюм ва медалҳои биринҷии мусобиқаро кадом даста соҳиб мешавад. Барои ба даст овардани мақоми сеюм ва ҳаққи иштирок дар марҳилаи гурӯҳии Ҷоми КФО-2022 дастаҳои футболи «Истаравшан»-и шаҳри Истаравшан ва КМВА-и шаҳри Душанбе имконият доранд. Инчунин як дастаи дигаре, ки ҳамроҳ бо «Душанбе» Лигаи олиро тарк менамояд, номаълум аст. Хавфи аз Лигаи олӣ берун шудан ба дастаҳои футболи «Равшан»-и шаҳри Душанбе, «Эсхата»-и шаҳри Хуҷанд, «Файзканд»-и ноҳияи Восеъ ва «Кӯктош»-и ноҳияи Рӯдакӣ таҳдид менамояд ва яке аз ин чаҳор даста баъди даври охирин Лигаи олиро тарк карда, ба Лигаи якум мегузарад.
Ёдовар мешавем, ки бозиҳои даври охирини чемпионати сиюми ҷашнии Тоҷикистон 5 декабр баргузор хоҳанд шуд.
Чемпионати Тоҷикистон-2021
Нишонзанҳо: Манучехр Ҷалилов («Истиқлол») – 17 гол, Рустам Соиров («Истиқлол») – 15 гол, Илҳомҷон Баротов («Истаравшан») – 13 гол, Дилшод Бозоров («Хуҷанд») – 12 гол, Алишер Ҷалилов («Истиқлол»), Артём Сердюк («Хуҷанд») – 11 голӣ.
Дар даври 27-ум вомехӯранд:
5 декабр (якшанбе)
Оғози бозиҳо – соати 14:00
«Эсхата» – «Равшан»
КМВА – «Хуҷанд»
«Душанбе» – «Истаравшан»
«Файзканд» – «Хатлон»
«Кӯктош» – «Истиқлол»
АКС: ФФТ
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
