Дар ДМТ ғолибони Озмуни ҷумҳуриявии «Илм — фурӯғи маърифат» қадрдонӣ гардиданд

ДУШАНБЕ, 04.12.2021 /АМИТ «Ховар»/. Дар Донишгоҳи миллии Тоҷикистон дар оғози ҷаласаи васеи Шӯрои олимони донишгоҳ дастовардҳои раёсат ва комёбиҳои илмии чанде аз устодону кормандон зимни супоридани дипломҳои номзадию докторӣ муаррифӣ шуданд. Ҳамзамон дастаи ғолибони Озмуни ҷумҳуриявии «Илм — фурӯғи маърифат» ва роҳбарони онҳо бо Ифтихорномаи донишгоҳ ва мукофотпулӣ қадрдонӣ гардиданд, хабар медиҳад АМИТ «Ховар» бо истинод ба ДМТ.

Дар идомаи ҷаласа аъзои дастаи варзишгарони донишгоҳ, ки дар чорабиниҳои сатҳи ҷумҳуриявӣ ва байналмилалӣ аз намудҳои гуногуни варзиш иштирок намуда, сазовори ҷойҳои ифтихорӣ гардида буданд, муаррифӣ ва ҳавасманд гардонида шуданд.

Зимнан ректори донишгоҳ, профессор Қобилҷон Хушвахтзода устодону кормандон ва донишҷӯёни донишгоҳро барои иштироки фаъол дар барномаҳои илмию маърифатӣ ва дастовардҳои тозаи илмияшон самимона табрик намуда, дар фаъолияти минбаъдаашон комёбиҳо таманно намуд.

АКС: ДМТ