Дар Истаравшан дар мавзӯи «Сайёҳии дохилӣ-омили рушди иқтисодиёти кишвар» конференсия доир гардид
ДУШАНБЕ, 22.12.2021 /АМИТ «Ховар»/. Бо мақсади татбиқи ҳадафҳои Солҳои рушди деҳот, сайёҳӣ ва ҳунарҳои мардумӣ дар шаҳри Истаравшан бо иштироки меҳмонони хатсайри сайёҳии «Бунҷикат», ки бо ибтикори Кумитаи рушди сайёҳии назди Ҳукумати Ҷумҳурии Тоҷикистон ва мақомоти иҷроияи ҳокимияти давлатии вилояти Суғд баҳри муаррифии имконият ва тақвияти сайёҳии дохилӣ ташкил карда шудааст, дар мавзӯи «Сайёҳии дохилӣ-омили рушди иқтисодиёти кишвар» конференсия баргузор гардид.
Тавре аз Хадамоти матбуоти Раиси вилояти Суғд ба АМИТ «Ховар» итьтилоъ доданд, дар конференсия муовини раиси шаҳри Истаравшан Толиб Олимҷонзода, мудири шуъбаи рушди сайёҳии вилояти Суғд Абдумаҷид Раҳимов, директори ТҶ «Ассотсиасияи тараққиёти сайёҳии «Зарафшон» Ҷамшед Юсупов, мудири бахши рушди сайёҳии шаҳри Истаравшан Азамат Ҷӯраев ва директори Коллеҷи ҳунарҳои мардумии шаҳр Хоҷа Насриддин сухан гуфтанд.
Зикр гардид, ки сайёҳӣ дар Ҷумҳурии Тоҷикистон яке аз соҳаҳои афзалиятнок ба ҳисоб рафта, баҳри рушди ин соҳа якчанд барномаҳои давлатӣ қабул гардида, мавриди татбиқ қарор доранд. Рушди соҳаи сайёҳии байналмилалӣ барои сайёҳони хориҷӣ ва дар ин замина ташкил намудани инфрасохтори сайёҳӣ, меҳмонхонаҳо, фароғатгоҳҳо метавонад барои муҳайё намудани ҷойҳои нави корӣ заминаи воқеӣ гузорад.
Аҳолии шаҳри Истаравшан сатҳу сифати хизматрасониро ба сайёҳон сол аз сол беҳтар намуда, дар ҷамоатҳои деҳоти шаҳр марказҳои тиҷоратӣ, ошхонаҳо, меҳмонхонаҳо ва нуқтаҳои фурӯши сӯзишворӣ барои хизмат расонидан ба меҳмонону сайёҳон фаъолияти пурсамар доранд. Таҳлил ва ҳисоботи омории воридшавии сайёҳони дохилӣ ва хориҷӣ дар шаҳр шаҳодат медиҳад, ки вобаста ба хусусияти табиию рекреатсионии кишвар аз ҷониби туристони хориҷӣ афзалият ба навъҳои сайёҳии экологӣ, варзишӣ, кӯҳӣ ва экстремалӣ дода мешавад. Дар ин замина иншооти санаторию курортӣ ва миқдори зиёди минтақаҳои истироҳатии шаҳри Истаравшан барои ташкили истироҳат ва муолиҷаи сайёҳони дохиливу хориҷӣ заминаи хуб фароҳам меоваранд.
Мавриди зикр аст, ки тадбири мазкур яке аз ташаббусҳои Ҳукумати Ҷумҳурии Тоҷикистон барои муаррифии зарфияти хоси сайёҳии кишвар арзёбӣ гардида, дар самти афзун гардонидани шумули маконҳои сайёҳӣ ва ба вуҷуд овардани имконоти зарурӣ ҷиҳати қабули сайёҳони дохилию хориҷӣ заминаи мусоид фароҳам меоварад.
АКС: Хадамоти матбуоти Раиси вилояти Суғд
Ба муносибати Рӯзи Президент дар Душанбе хатсайри сайёҳӣ ташкил карда шуд
Дар нуҳ моҳи соли 2025 зиёда аз 90 ҳазор нафар сайёҳ мавзеъҳои таърихию фарҳангии Тоҷикистонро тамошо карданд
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
