Дар Кӯлоб Мусобиқаи ҷумҳуриявӣ оид ба гӯштини дзюдо миёни наврасон оғоз ёфт
ДУШАНБЕ, 14.12.2021 /АМИТ «Ховар»/. Бахшида ба 30-юмин солгарди Истиқлолияти давлатии Ҷумҳурии Тоҷикистон 13 декабр дар шаҳри Кӯлоби вилояти Хатлон Мусобиқаи ҷумҳуриявӣ оид ба намуди гӯштини дзюдо миёни наврасони солҳои таваллуди 2005-2007 баргузор гардид, хабар доданд аз Кумитаи кор бо ҷавонон ва варзиши назди Ҳукумати Ҷумхурии Тоҷикистон ба шореҳи варзиши АМИТ «Ховар» Меҳрони Қурбон.
Дар оғози мусобиқа зикр гардид, ки тадбири мазкур тибқи нақшаи тақвимии Кумитаи кор бо ҷавонон ва варзиши назди Ҳукумати Ҷумхурии Тоҷикистон дар маҷмааи варзишии шаҳри Кӯлоб баргузор шуда, чеҳраҳои нави ин намуди варзиш дарёфт ва ба мусобиқаҳои байналмилалӣ сафарбар карда мешаванд.
Ёдовар мешавем, ки дар ин мусобиқа паҳлавонони наврас аз тамоми гӯшаву канори Тоҷикистон, аз ҷумла ду даста аз вилояти Хатлон, дудастаӣ аз вилояти Суғд ва шаҳри Душанбе, якдастаӣ аз ВМКБ, ШНТМ ва минтақаи Рашт ширкат доранд. Дар рӯзи аввали мусобиқа варзишгарони вазнҳои поёнӣ бо ҳам қуваозмоӣ карда, ғолибон муайян шуданд.
Мавриди зикр аст, ки баргузории чунин мусобиқаҳо имкон фароҳам меоварад, ки беҳтарин чеҳраҳои наврас дар ин риштаи варзиш муайян ва барои иштирок дар мусобиқаҳои байналмилалӣ ба машқҳои дастҷамъии Федератсияи дзюдои Тоҷикистон сафарбар карда шаванд. Худи мураббиён низ изҳор доштанд, ки иштироки бобарори дастаи паҳлавонони навраси мамлакат дар мусобиқаҳои осиёӣ натиҷаи чунин мусобиқаҳо ва дастгирии кумита ва федератсияҳои дахлдор мебошад.
Ин тадбири варзишӣ ба хотири баланд бардоштани маҳорати варзишии наврасон, дарёфти чеҳраҳои нави ин риштаи гӯштин ва мукаммал гардонидани дастаи мунтахаби наврасон ташкилу роҳандозӣ гардидааст.
Мусобиқаи ҷумҳуриявӣ оид ба намуди гӯштини дзюдо миёни наврасони солҳои таваллуди 2005-2007 то 15 декабр идома ёфта, ғолибон ва ҷоизадорони он аз ҷониби масъулини бахши кор бо ҷавонон ва варзиши минтақаи Кӯлоб бо медалу ифтихорномаҳои Кумитаи кор бо ҷавонон ва варзиши мамлакат сарфароз гардонида мешаванд.
АКС аз манбаъҳои боз
Тошканд пойтахти ҷавонони Иттиҳоди Давлатҳои Мустақил гардид
Таҷдиди неругоҳи «Қайроққум» бомаром идома дорад
Байни Донишгоҳи давлатии Кӯлоб ва панҷ донишгоҳи Узбекистон шартномаи ҳамкорӣ баста шуд
Оё Тоҷикистонро пешрафти рақамӣ интизор аст?
Дар шоҳроҳи Душанбе — Чанок теъдоди қуттиҳои махсус барои партов ба 70 адад расонида мешавад
Имрӯз дар Тоҷикистон ҳавои бебориш пешгӯӣ мешавад
Барои арзёбии таъсири эҳтимолии офатҳои табиӣ ба устувории қарзи Арманистон, Тоҷикистон ва Қирғизистон санади корӣ таҳия гардид
Бар асари обхезӣ дар Танзания 1000 нафар бе сарпаноҳ монд
Дар Амороти Муттаҳидаи Араб дар бораи миқдори зиёдтарини бориш дар 75 соли охир гузориш доданд
Имрӯз дар ноҳияҳои доманакӯҳ ва ағбаҳои Тоҷикистон туман мефарояд
Амири Кувайт сарвазири навро таъйин намуд
Дар Уммон бар асари обхезиҳо 15 нафар ба ҳалокат расид
