Дар «Литсейи касбии техникии махсуси шаҳри Душанбе» иди Соли навро бо тантана ҷашн гирифтанд
ДУШАНБЕ, 30.12.2021. /АМИТ «Ховар»/. Дар арафаи Соли нави мелодӣ аз ҷониби Мақомоти иҷроияи ҳокимияти давлатии шаҳри Душанбе ва Бонки миллии Тоҷикистон ба таълимгирандагони Муассисаи давлатии таълимии «Литсейи касбии техникии махсуси шаҳри Душанбе»-и Вазорати меҳнат, муҳоҷират ва шуғли аҳолии Ҷумҳурии Тоҷикистон туҳфаҳои солинавӣ тақдим гардид. Ҳамчунин барои онҳо дастархони идона ороста шуда, барномаи фарҳангии пешниҳодгардида шукӯҳи ин идро афзун гардонд, хабар медиҳад АМИТ «Ховар» бо истинод ба Литсейи мазкур.
Муовини Раиси шаҳри Душанбе Мавсума Муинӣ ба тарбиятгирандагон гуфт, ки ин иқдом бо мақсади иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва иқдомҳои хайрхоҳонаи Раиси шаҳри Душанбе муҳтарам Рустами Эмомалӣ вобаста ба дастгирии қишрҳои ниёзманди ҷомеа роҳандозӣ гардидааст.
«Дастгирии наврасону ҷавонон ва ба таълиму тарбияи дуруст фаро гирифтани онҳо зери таваҷҷуҳи Ҳукумати кишвар, хоса Президенти мамлакат муҳтарам Эмомалӣ Раҳмон қарор дорад. Пешвои миллат борҳо ба қишрҳои ниёзманди ҷомеа муроҷиат карда гуфтанд, ки «Ман Шуморо ҳаргиз хору зор шудан намемонам!». Роҳбарияти шаҳри Душанбе низ дар ин пайравӣ баҳри таъмини зиндагии шоиста ба наврасону кӯдакон ва дигар шахсони ниёзманд тадбирҳои зарурӣ меандешад»,-афзуд Мавсума Муинӣ.
Намояндагони Мақомоти иҷроияи ҳокимияти давлатии шаҳри Душанбе ва Бонки миллии Тоҷикистон бо вазъи феълии муассиса ва шароити зисту таҳсили тарбиятгирандагон шинос шуданд.
Ёдовар мешавем, ки «Муассисаи давлатии таълимии Литсейи касбии техникии махсуси шаҳри Душанбе» таълимгоҳи махсус буда, аз соли 1947 ин ҷониб фаъолият дорад. Муассиса ягона таълимгоҳи махсус мебошад, ки дар он наврасони синни 14-18-сола аз тамоми гӯшаю канори ҷумҳурӣ барои таълиму тарбия ва омӯхтани касбу ҳунарҳои гуногун фаро гирифта мешаванд.
Таълимгирандагон асосан ятимони кулл, нимятимон, фарзандоне, ки волидайнашон онҳоро саробонӣ намекунанд ва дигар табақаҳои ниёзманди ҷомеа мебошанд.
АКСҲО: Литсейи касбии техникии махсуси шаҳри Душанбе
Маҳкам Маҳмудзода: «Истиқлоли давлатӣ дастоварди волотарини давлати тоҷикон маҳсуб мешавад»
Дар вилояти Хатлон бо иштироки беш аз 50 ҳазор нафар роҳпаймоии идона доир шуд
Дар Бадахшон бахшида ба 35–солагии Истиқлоли давлатӣ гузашти низомӣ ва роҳпаймоии оммавӣ доир гардид
Филми «Пешво аз қалби мардум» дар байни тамошобинон маҳбубияти зиёд пайдо намуд
НАҚШИ ПЕШВОИ МИЛЛАТ МУҲТАРАМ ЭМОМАЛӢ РАҲМОН ДАР ЭҲЁИ ДАВЛАТСОЗИИ МИЛЛӢ. Мулоҳизаҳо дар ин маврид
Як зумра кормандони гуногункасб, хизматчиёни давлатӣ ва рӯзноманигорон бо мукофотҳои давлатӣ қадрдонӣ гардиданд
Ҳамкории ҳизбӣ байни Тоҷикистон ва Узбекистон тақвият меёбад
Тоҷикистон бо қабули қонунҳои миллӣ барои давлатҳои Осиёи Марказӣ намуна мебошад
Кормандони соҳаи телевизион ва радио бо мукофотҳои давлатӣ сарфароз гардонида шуданд
Дар Вилояти Мухтори Кӯҳистони Бадахшон кормандони соҳаҳои гуногун бо мукофотҳои давлатӣ қадрдонӣ шуданд
Соли 2026 дар Федератсияи Русия барои бо ҷойи кор таъмин намудани шаҳрвандони Тоҷикистон беш аз 40 вохӯрӣ доир шуд
