Донишҷӯи ДМТ Шамил Абдураҳмонзода дар олимпиадаи байналмилалӣ сазовори ҷойи дуюм гардид

Декабрь 8, 2021 16:15

ДУШАНБЕ, 8.12.2021. /АМИТ «Ховар»/. Донишҷӯи курси 4-уми факултети ҳуқуқшиносии Донишгоҳи миллии Тоҷикистон Шамил Абдураҳмонзода дар интернет-олимпиадаи байналмилалии «Низоми интихоботии давлатҳои ҷаҳон», ки дар шаҳри Санкт-Петербурги Федератсияи Русия баргузор гардид, сазовори ҷойи дуюм ва дипломи дараҷаи II гардид, иттилоъ доданд аз Донишгоҳи миллии Тоҷикистон.

Олимпиадаи мазкур аз ҷониби Донишкадаи байналмилалии мониторинги инкишофи демократия, парламентаризм ва риояи ҳуқуқи интихоботии шаҳрвандон — давлатҳои аъзои Ассамблеяи байнипарлумонии Иттиҳоди Давлатҳои Мустақил (АБП ИДМ) баргузор гардида, мақсад аз он баланд бардоштани фарҳанги ҳуқуқии ҷавонон, шиносоӣ бо асосҳои мурофиаи интихоботи демократӣ ва сайқал додани дониши мутахассисони соҳаи ҳуқуқшиносӣ мебошад.

Дар олимпиада 1213 донишҷӯ аз 107 донишгоҳи 18 давлати дунё иштирок намуданд. Дар баробари донишҷӯёни донишгоҳҳои ИДМ, инчунин муҳассилин аз донишгоҳҳои Руминия, Конга, Латвия, Сербия ва Черногория иштирок намуданд.

Озмун аз се давр иборат буда, ду давр дар Тоҷикистон ва давраи ниҳоӣ дар шаҳри Санкт-Петербург доир гардид. Олимпиадаи мазкур аз 1 то 30 сентябр баргузор гардида, аввали моҳи декабри соли равон ғолибон муайян ва дипломҳо ба таври электронӣ ба гирандагони он расонида шуданд.

АКС: ДМТ

Декабрь 8, 2021 16:15

Хабарҳои дигари ин бахш

Рӯзҳои синамои Тоҷикистон дар Озарбойҷон доир шуд
Рӯзҳои фарҳанги Тоҷикистон дар Озарбойҷон бо шаҳомати хосса баргузор гардид
Дар Озарбойҷон Рӯзҳои синамои Тоҷикистон доир гардид
ҶОЙГОҲИ ХОССАИ ҶАВОНОНИ ТОҶИКИСТОН. Сиёсати давлатии ҷавонон дар замони истиқлоли давлатӣ густариши бештар ёфтааст
Дар Душанбе масъалаи истифодаи технологияҳои муосир баррасӣ гардид
Дар Боку густариши робитаҳои фарҳангии Тоҷикистон ва Озарбойҷон мавриди баррасӣ қарор гирифт
Намоишгоҳи маҳсулоти ҳунарҳои мардумӣ, либосҳои миллӣ ва санъати тасвирию ороишии Тоҷикистон дар Озарбойҷон баргузор гардид
«ҶАВОНОН- ПАЙРАВОНИ ПЕШВОИ МИЛЛАТ». Дар Душанбе таҳти чунин унвон роҳпаймоии осоишта доир шуд
Намояндаи Тоҷикистон дар Португалия дар ҳамоиш оид ба мудирият ва устуворӣ дар фаъолияти кайҳон иштирок намуд
Раиси Иттифоқи рассомони Тоҷикистон: Рассомҳо дар таҳкими дӯстии халқҳои Тоҷикистон ва Озарбойҷон нақши муносиб мегузоранд
«ШИНОХТИ САРАЗМ». Имрӯз ин филми мустанади Тоҷикистон дар Озарбойҷон намоиш дода мешавад
Рӯзҳои фарҳанги Тоҷикистон дар Озарбойҷон оғоз мегарданд