ФУТБОЛ. КМВА-и Душанбе пас аз ғалаба бар дастаи «Хуҷанд» соҳиби медалҳои биринҷии Чемпионати Тоҷикистон гардид
ДУШАНБЕ, 07.12.2021 /АМИТ «Ховар»/. Бозиҳои сиюмин Чемпионати Тоҷикистон оид ба футбол миёни дастаҳои Лигаи олӣ ба анҷом расиданд. Дар даври охир барандаи медалҳои биринҷӣ ва дастаи дуюме, ки Лигаи олиро тарк мекунад, муайян гардиданд, иттилоъ медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Дастаи КМВА-и шаҳри Душанбе дар даври 27-ум бар дастаи футболи «Хуҷанд»-и шаҳри Хуҷанд бо ҳисоби 1:0 ғалаба карда, ҷои сеюмро дар чемпионати имсола сазовор шуд. Дастаи футболи «Кӯктош»-и ноҳияи Рӯдакӣ аз дастаи «Истиқлол»-и шаҳри Душанбе бо ҳисоби 1:2 шикаст хӯрд ва дастаи футболи «Душанбе»-и шаҳри Душанбе Лигаи олиро дар мавсими оянда тарк мекунад.
Мавриди зикр аст, ки чанд рӯз пеш бозиҳои даври 26-уми Чемпионати Тоҷикистон оид ба футбол миёни дастаҳои Лигаи олӣ дар варзишгоҳҳои мамлакат хеле ҷолиб баргузор гардида буданд.
Дастаи футболи «Хатлон»-и шаҳри Бохтар бар дастаи «Душанбе»-и шаҳри Душанбе бо ҳисоби 3:1 пирӯз шуд. Дар ҳайати дастаи ғолиб Нуриддин Ҳамроқулов ду гол, Парвиз Боқӣ-Охунов як гол ба нишон расониданд.
Дастаи футболи «Истиқлол»-и шаҳри Душанбе ба дарвозаи дастаи «Файзканд»-и ноҳияи Восеъ панҷ голи беҷавоб зад. Манучеҳр Ҷалилов ду гол, Алишер Ҷалилов, Шервонӣ Мабатшоев, Рустам Соиров якголӣ заданд. Дар доираи ин бозӣ ба дастаи футболи «Истиқлол»-и шаҳри Душанбе, ки қабл аз муҳлат ба унвони чемпионӣ расид, Ҷом ва медалҳои тилло тақдим карда шуданд.
Дастаи футболи «Хуҷанд»-и шаҳри Хуҷанд дастаи «Эсхата»-и шаҳри Хуҷандро бо ҳисоби 2:1 шикаст дод. Бозингари дастаи «Эсхата» Дилшод Каримов ба дарвозаи дастааш гол зада, ҳисобро кушод. Голи дуюми дастаи футболи «Хуҷанд»-и шаҳри Хуҷандро Артём Сердюк ба ҳадаф расонид. Бонкчиҳо тавассути зарбаи нишонраси Иброҳим Эшонхонов як гол ба нишон расониданд.
Дастаи футболи «Равшан»-и шаҳри Кӯлоб дар майдони худ аз дастаи «Кӯктош»-и ноҳияи Рӯдакӣ бо ҳисоби 2:3 мағлуб шуд. Бозингари дастаи «Кӯктош» Азизбек Султонов ду гол зад. Мизбонон тавассути зарбаҳои нишонраси Аваз Қамчинов ва Далер Шомуродов ҳисобро баробар карданд, вале 4 дақиқа пеш аз анҷоми вақти асосии бозӣ Амирҷон Сафаров голи пирӯзиовари дастаи футболи «Кӯктош»-и ноҳияи Рӯдакиро ба нишон расонид.
Ҳамин тариқ, чемпиони Тоҷикистон – дастаи футболи «Истиқлол»-и шаҳри Душанбе соли оянда дар Лигаи чемпионҳои AFC иштирок мекунад. Барандаи медалҳои нуқра – дастаи «Хуҷанд»-и шаҳри Хуҷанд ва барандаи медалҳои биринҷӣ – дастаи КМВА-и шаҳри Душанбе дар Ҷоми AFC-2022 ширкат хоҳанд кард.
Натиҷаи бозиҳои даври ҷамъбастии Чемпионати Тоҷикистон оид ба футбол миёни дастаҳои лигаи олӣ:
КМВА – «Хуҷанд» – 1:0
Гол: Люк Менҷана Леонел, 11.
«Кӯктош» – «Истиқлол» – 1:2
Голҳо: Манучеҳр Ҷалилов, 12 (0:1). Алишер Ҷалилов, 41 (0:2). Амирҷон Сафаров, 43 (1:2).
«Эсхата» – «Равшан» – 1:0
Гол: Аҳрор Иноятов, 50.
«Душанбе» – «Истаравшан» – 0:2
Голҳо: Шаҳзодҷон Маъмурҷонов, 76 (0:1). Манучеҳр Ахмедов, 90 – аз пеналтӣ (0:2).
«Файзканд» – «Хатлон» – 2:1
Голҳо: Анвар Муродов, 4 (1:0). Изатулло Баҳриддинов, 73 (1:1). Анвар Муродов, 74 (2:1).
| Б | Ғ | М | Б | Т-Т | Х | ||
| 1 | «Истиқлол» (Душанбе) | 27 | 21 | 5 | 1 | 78-9 | 68 |
| 2 | «Хуҷанд» (Хуҷанд) | 27 | 17 | 4 | 6 | 52-26 | 55 |
| 3 | КМВА (Душанбе) | 27 | 12 | 8 | 7 | 37-29 | 44 |
| 4 | «Истаравшан»(Истаравшан) | 27 | 12 | 6 | 9 | 30-25 | 42 |
| 5 | «Хатлон» (Бохтар) | 27 | 10 | 6 | 11 | 30-33 | 36 |
| 6 | «Эсхата» (Хуҷанд) | 27 | 9 | 3 | 15 | 33-49 | 30 |
| 7 | «Равшан» (Кӯлоб) | 27 | 7 | 8 | 12 | 27-35 | 29 |
| 8 | «Файзканд» (Восеъ) | 27 | 8 | 5 | 14 | 20-37 | 29 |
| 9 | «Кӯктош» (Рӯдакӣ) | 27 | 7 | 5 | 15 | 38-58 | 26 |
| 10 | «Душанбе» (Душанбе) | 27 | 4 | 6 | 17 | 23-67 | 18 |
АКС аз Федератсияи футболи Тоҷикистон
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
