Миёни Кумитаи рушди сайёҳӣ ва Ассотсиатсияи туризми дар ҷомеа асосёфта Ёддошти тафоҳум ба имзо расид
ДУШАНБЕ, 31.12.2021. /АМИТ «Ховар»/. Имрӯз миёни Кумитаи рушди сайёҳии назди Ҳукумати Ҷумҳурии Тоҷикистон ва Ассотсиатсияи туризми дар ҷомеа асосёфтаи Тоҷикистон Ёддошти тафоҳум оид ба ҳамкорӣ дар соҳаи сайёҳӣ ба имзо расид, хабар медиҳад АМИТ «Ховар» бо истинод ба Кумитаи рушди сайёҳӣ.
Ёддошти мазкур бо мақсади ба роҳ мондани ҳамкорӣ бо ташкилоти сайёҳӣ, мубодилаи иттилоот, омода кардани мутахассисони соҳибтаҷриба дар соҳаи сайёҳӣ, гузаронидани чорабиниҳои тарғиботӣ оид ба муаррифии зарфияти сайёҳӣ дар дохил ва хориҷи кишвар имзо шуд.
Ассотсиатсияи туризми дар ҷомеа асосёфтаи Тоҷикистон (TATOS) ассотсиатсияи ҷавонест, ки дар Ҷумҳурии Тоҷикистон бо мақсади рушди сайёҳии ҷамоавӣ сабти ном шудааст.
Сайёҳии ҷамоавӣ як намуди сайёҳиест, ки дар он сокинони маҳаллӣ бо бунёди меҳмонхонаҳои хурд, дӯкону мағозаҳои фурӯши ҳунарҳои дастӣ, нигораҳо ва армуғонҳои миллӣ нақши муассир мегузоранд.
Замина ва рушди сайёҳии ҷамоавиро иқтидори фарҳангӣ, таърихӣ, захираҳои сайёҳӣ ва истеъдоду қобилияти мардуми маҳаллӣ ташкил медиҳад.
Сайёҳии ҷамоавӣ феълан дар ҷаҳон ҳамчун стратегия барои рушди иҷтимоию иқтисодӣ истифода мешавад.
Ёдрас мешавем, ки давоми соли 2021 Кумита бо дастгирии шарикон ва мақомоти маҳаллӣ дар шаҳрҳои Хоруғ, Хуҷанд, Бохтар ва Душанбе таҳти унвони “Сайёҳии ҷамоавӣ ҳамчун самти афзалиятноки рушди сайёҳӣ дар кишвар” силсилаи ҳамоиш-машваратҳо баргузор намуд.
АКС: Кумитаи рушди сайёҳӣ
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
Нахустин гурӯҳи роҳбаладони «Shohin Airlines» барои гузаштани омӯзиши касбӣ ба Turkish Aviation Academy фиристода шуд
Кормандони сохторҳои шаҳри Душанбе бо мавзеъҳои таърихию сайёҳии минтақаи Кӯлоб шинос шуданд
