«Мусофири афғон: «Шукри Сарвари худ кунед!», — шарҳи матбуоти даврии Тоҷикистон
ДУШАНБЕ, 09.12.2021. /АМИТ «Ховар»/. Ҳафтаи сипаригардида матбуоти даврии Тоҷикистон оид ба ҳаёти сиёсӣ, иқтисодӣ ва иҷтимоиву фарҳангии мамлакат хабару гузориш ва мақолаҳои сершуморе ба нашр расонид, ки шарҳи мухтасари онҳоро манзури хонандагони сомона мегардонем.
Нашрияи расмии Ҷумҳурии Тоҷикистон — «Ҷумҳурият» дар шумораи №241 (24 348), ҷумъа, 3 декабри соли 2021 дар саҳифаи аввал таҳти унвони «Ҳунарҳои мардумӣ дар меҳвари таваҷҷуҳи Пешвои миллат» ва «Мусофири афғон: «Шукри Сарвари худ кунед!» маводи таҳлилӣ ба нашр расонидааст. Инчунин қарорҳои Ҳукумати Ҷумҳурии Тоҷикистон ва дигар хабару гузоришҳои ҷолиб низ чоп шудаанд.
Дар матлаби «Мусофири афғон: «Шукри Сарвари худ кунед!» муаллиф Раҳмонқул Раҳмонқулов аз гуфтаҳои як муҳоҷири афғонӣ, ки ҳамсафараш будааст, чунин нигоштааст: «Дидем, ки қитъаи харобшудаи роҳ ҳам ба ҳолати аввала баргардонида шуду ҳаракати нақлиёти мусофиркашу боркашон барқарор гардид. Дар мавзеи зебову муносиб барои хонаводаҳое, ки бар асари сел зарар диданд, Ҳукумати Тоҷикистон дар муддати кӯтоҳ хонаҳои нав бо тамоми шароит сохта дод. Мактаб, бунгоҳи тиббӣ бунёд кард. Ва мо – хонабардӯшони он тарафи дарё ҳамаи инро назора мекардему ҳавас мебурдем…».
Дар ин шумора аз саҳифаи махсуси иттилоотӣ-фароғатӣ зери унвони «Шоми шанбе» хонанда имкон дорад аз рӯйдодҳои ҷаҳон ва маълумоти ҷолиб воқиф гардида, бо латифаҳою муаммо табъи худро болида намояд.
«Садои мардум» — нашрияи Маҷлиси Олии Ҷумҳурии Тоҷикистон дар шумораи №146 (4408), сешанбе, 7 декабри соли 2021 хабару мақолаҳои ҷолибу хонданӣ, аз ҷумла: «Пешвои миллат ва рушди устувори кишвар», «Қонунҳои миллӣ-кафили рушди маориф ва зиндагии шоистаи мардум», «Хотирбинӣ ба қонунвайронкунӣ низ боис мегардад», «Иқтисоди сабз» сифати зиндагиро беҳ месозад», «Минтақаи Кӯлоб. Сокинони 93 деҳа аз барқ маҳруманд»-ро чоп намудааст. Ҳамчунин хонанда имкон дорад, ки аз ин шумора хабарҳоро оид ба фаъолияти Маҷлиси Олии Ҷумҳурии Тоҷикистон мутолиа намояд.
«Народная газета» — нашрияи русизабони Ҳукумати Ҷумҳурии Тоҷикистон дар шумораи №48, (2032), чоршанбе, 8 декабри соли 2021 оид ба иштироки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Ҳисор зимни ифтитоҳи мамнӯъгоҳи ҳайвоноту парандаҳо, ки аз ҷониби Ҷамъияти саҳомии «Қуллаҳои Тоҷик» таъсис дода шудааст, мулоқоти Эмомалӣ Раҳмон бо Мудири кулли Бунёди Кувайт оид ба рушди иқтисоди кишварҳои араб Марван Абдуллоҳ-ал Ғоним ва хабару гузоришҳои дигар аз ҳаёти сиёсӣ, иқтисодию иҷтимоӣ ва фарҳангии мамлакат мавод ба нашр расонидааст.
Инчунин матолиби дигари ин шумора «Народная Демократическая партия Таджикистана- детище Лидер нации», «Храм Окса»- одно из крупнейших сооружений древней архитектуры Центральной Азии», «Геологи Таджикистана отметят свой профессиональный праздник», «Творческий путь Махмуда Абдуллоева» ва «Застывшее волнение Земли» мебошанд.
«Минбари халқ» — нашрияи марказии Ҳизби Халқии Демократии Тоҷикистон /ҲХДТ/ дар шумораи №49 (1343), чоршанбе, 8 декабри соли равон оид ба аз ҷониби Пешвои миллат ифтитоҳ ёфтани мамнӯъгоҳи ҳайвоноту парандаҳо дар шаҳри Ҳисор, ки аз ҷониби Ҷамъияти саҳомии «Қуллаҳои Тоҷик» таъсис дода шудааст, мулоқоти Эмомалӣ Раҳмон бо Мудири кулли Бунёди Кувайт оид ба рушди иқтисоди кишварҳои араб Марван Абдуллоҳ-ал Ғоним мавод ба табъ расонидааст.
Инчунин дар ин шумора хабару мавод таҳти унвони «Ҳизбе фаротар аз як неруи сиёсӣ», «Ҳизбе, ки оинномааш оинаи миллат аст», «Зербинои ҷомеаи муосир», «Аз ҳизби худ ифтихор дорем!», «Омили мухими пешгирии ифротгароӣ дар ҷомеа» ва дигар матолиби хонданӣ рӯи чоп омадаанд.
Фирӯза ДАВЛАТЗОДА,
АМИТ «Ховар»
АКС аз бойгонии АМИТ «Ховар»








Дар шаҳри Хуҷанд Фестивали оши палав ҷамъбаст шуд
Беҳтарин китобҳои тозанашри Тоҷикистон дар намоишгоҳи байналмилалӣ пешниҳод гардид
Дар Қазон масъалаи баргузории Рӯзҳои фарҳанги Тоҷикистон дар Тотористон баррасӣ гардид
Доир ба саҳми таърихии Борбади Марвазӣ конфронси байналмилалӣ баргузор мешавад
«ДОИРАБАЗМ». Дар Душанбе даври ниҳоии Озмуни ҷумҳуриявии созҳои зарбӣ баргузор мешавад
Нахустнамоиши филми муштараки Тоҷикистону Узбекистон «Дурахши ахтарон: Ҷомӣ ва Навоӣ» баргузор шуд
«ДОСТОНИ ДУШАНБЕ». Китоби нави Шоири халқии Тоҷикистон Давлат Сафар рӯнамоӣ гардид
Дар Файзобод нимпайкараи шоири муосири тоҷик Бозор Собир гузошта шуд
Беҳтарин асарҳои назмию насрӣ дар соли 2026 муайян мегарданд
«ДАР ЧЕҲРААШ НУРИ ХУДО ДОРАД». Таҳти ин унвон бахшида ба Рӯзи Президент намоиши асарҳо баргузор шуд
Дар Душанбе Форуми байналмилалӣ ва намоиши либосҳои миллӣ баргузор гардид
Дар Душанбе маҳфили эҷодии Шоири халқии Тоҷикистон Давлат Сафар баргузор мегардад






