ПАНҶ СОЛИ РУШДИ САНОАТ. Дар амалисозии ин барнома саҳми олимон бояд назаррас бошад

Декабрь 21, 2021 15:18

ДУШАНБЕ, 21.12.2021 /АМИТ «Ховар»/. Паёми Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохилию хориҷии Ҷумҳурии Тоҷикистон» ба Маҷлиси Олии Ҷумҳурии Тоҷикистон имрӯз, 21 декабр ироа гардид.

 Дар толор дар баробари дигар табақаҳои фаъоли ҷомеа инчунин намояндагони Академияи миллии илмҳои Тоҷикистон ва муассисаҳои олии таълимӣ иштирок доштанд.

Пас аз шунидани Паёми пурмуҳтавои Пешвои миллат муҳтарам Эмомалӣ Раҳмон, ки дар он, аз ҷумла оид ба панҷ соли минбаъдаи рушди миёнасолонаи иқтисодиёт ва  Солҳои рушди саноат дар Тоҷикистон эълон намудани солҳои 2022-2026 сухан рафт, бархе  намояндагони илму иқтисод дар суҳбат бо мухбири АМИТ «Ховар» ибрози назар карданд.

Ба гуфти муовини Ректори Донишгоҳи аграрии Тоҷикистон оид ба илм Баҳром Аҳмадов, Пешвои миллат Эмомалӣ Раҳмон таъкид намуданд, ки дар ин панҷсола ҳиссаи саноат дар маҷмӯи маҳсулоти дохилии кишвар ба 26 фоиз расонида мешавад ва ин раванд гуногунсамтии истеҳсолоти саноатро таъмин хоҳад кард. Албатта, бо дарназардошти аҳамияти бузурги соҳаи саноат дар рушди минбаъдаи мамлакат ва таъмин намудани иҷрои ҳадафҳои стратегии миллӣ, аз ҷумла раванди саноатикунонии кишвар аз ҷониби Президенти мамлакат Эмомалӣ Раҳмон солҳои 2022–2026 Солҳои рушди саноат эълон гардиданд. Пеш аз ҳама, ин дар ҳалли масъалаҳои иҷтимоиву иқтисодӣ ва бокортаъминкунии аҳолии мамлакат мусодат хоҳад кард. Дар ин самт аҳли илм, олимон бояд саҳми назаррас дошта бошанд, зеро дар даврони муосир раванди тараққиёти илмҳои мусоир, ки ҷузъи таркибии рушди соҳаи инноватсияи иқтисоди рақамӣ ва саноат мебошад, муҳим аст.

Аз ҷониби Сарвари давлат Солҳои рушди саноат дар Ҷумҳурии Тоҷикистон эълон гардидани солҳои 2022-2026, пеш аз ҳама, барои рушди иқтисоди миллӣ муҳим ва саривақтӣ хоҳад буд.

Корманди масъули Вазорати рушди иқтисод ва савдои Ҷумҳурии Тоҷикистон Маҳтоббӣ Одиназода таассуроташро баъди шунидани Паёми Пешвои миллат изҳор намуда, гуфт, ки «аз рӯи таҳлилҳои дурандешонаи Пешвои миллат Эмомалӣ Раҳмон панҷсолаи минбаъда бояд беш аз 500 ҳазор ҷойҳои нави корӣ таъсис ёфта, даромади пулии аҳолӣ беш аз 2 баробар зиёд гардад ва ҳиссаи табақаи миёнаи аҳолӣ ба 45 фоиз расонида, дар натиҷа сатҳи камбизоатӣ то 15 фоиз коҳиш дода шавад».

Ёдовар мешавем, ки имрӯз, 21 декабр Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми худ ба Маҷлиси Олӣ самтҳои асосии сиёсати дохилию хориҷии мамлакатро барои давраҳои оянда муайян намуда, оид ба пешбурди манфиатбори сиёсати хориҷӣ ва таъмини пешрафти соҳаҳои иқтисоду саноат, энергетика, роҳу нақлиёт, амнияту мудофиа, ҳифзи ҳуқуқу тартибот, тандурустӣ, фарҳанг, илму маориф, ҳифзи иҷтимоии аҳолӣ, ҷавонон, варзиш ва сайёҳӣ вазифаҳои мушаххас ба миён гузоштанд.

АКС: Хадамоти матбуоти Президенти ҶТ/АМИТ «Ховар»

Декабрь 21, 2021 15:18

Хабарҳои дигари ин бахш

Гармхонаҳои Парки инноватсионии ноҳияи Дарвоз истеҳсоли сабзавотро ба 10 тонна расониданд
Роҳи мошингарди Бохтар-Левакант ва Лолазор-Левакант таҷдид мегардад
Дар вилояти Хатлон корҳои ҷустуҷӯӣ–геологӣ тақвият меёбанд
Бонки миллии Тоҷикистон ба ҶДММ «Тад Дюти Фри» барои се сол иҷозатнома дод
Соли 2022 ба буҷети Тоҷикистон аз ҳисоби андозҳо беш аз 15 миллиард сомонӣ ворид карда шудааст
Ширкати «Сомон Эйр» парвозҳоро ба Теҳрон оғоз менамояд
Соҳибкорони вилояти Суғд ва Қазоқистон барои содироти маҳсулоти кишоварзӣ созишнома ба имзо расониданд
«Сомон Эйр» аз ширкати «Omnipol» ҳавопаймоҳои L-410 дастрас менамояд
МАСЛИҲАТИ МУТАХАССИС. Картошкаи сармозада ба узвҳои ҳозимаи инсон таъсири манфӣ мерасонад
Дар Душанбе ҳолати техникии ҳавопаймоҳои хурдҳаҷми истеҳсоли Чехия рӯнамоӣ гардид
«Амонатбонк», «Ориёнбонк» ва «Бонки Эсхата» бонкҳои низомсози Тоҷикистон эътироф карда шуданд
Дар шаҳри Санкт-Петербурги Русия махзани ягонаи маҳсулоти содиротии Тоҷикистон ташкил мегардад