Соҳибкори шаҳри Турсунзода ба ниёзмандон кумаки моддӣ расонид
ТУРСУНЗОДА, 25.12.2021 /АМИТ «Ховар»/. Соҳибкори саховатпешаи Ҷамоати деҳоти Қаратоғи шаҳри Турсунзода Шавкат Муҳаммадиев, ки роҳбари хоҷагии деҳқонии «Абдулло» мебошад, ба 150 оилаи ниёзманди ҷамоат 50-килоӣ орд, 3-литрӣ равғани растанӣ ва 2 кг гӯшт кумаки моддӣ намуд, хабар дод котиби матбуоти раиси шаҳри Турсунзода Фирӯз Холиқов ба мухбири АМИТ «Ховар».
Ба иттилои манбаъ, ҷавонмарди хайрхоҳ Шавкат Муҳаммадиев ният дорад рӯзҳои наздик ба шарафи Соли нави мелодӣ боз ба 100 оилаи дигар кумаки хайриявӣ расонад.
Ҳамчунин бо дастгирии ташкилоти хайриявии «ОРИЁ» барои 145 нафар кӯдакони имконияташон маҳдуди муассисаи хизматрасонии иҷтимоии «Ширин», ятимон ва нимятимон ба истиқболи Соли нави 2022 барномаи хайриявӣ доир гардид. Зимни он барои кӯдакони эҳтиёҷманд барномаи фарҳангӣ ва бозиҳои шавқовар баргузор карда, ба онҳо туҳфаҳои солинавӣ тақдим намуданд.
Бояд гуфт, ки бо ташаббуси мақомоти иҷроияи ҳокимияти давлатии шаҳри Турсунзода бахшида ба Соли нави мелодӣ ятимону маъюбони шаҳр ва оилаҳои сатҳи зиндагияшон вазнин аз чунин эҳсонкориҳои соҳибкорону мақомоти иҷроия пайваста бархурдор мегарданд.
АКСҲО: мақомоти иҷроияи ҳокимияти давлатии шаҳри Турсунзода
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
