Вазири рушди иқтисод ва савдои Тоҷикистон бо Директори генералии Созмони ҷаҳонии савдо мулоқот намуд
ДУШАНБЕ, 06.12.2021 /АМИТ «Ховар»/. Вазири рушди иқтисод ва савдои Ҷумҳурии Тоҷикистон Завқӣ Завқизода 3 декабр бо Директори генералии Созмони ҷаҳонии савдо (СҶС) хонум Нгози Оконҷо Ивеала дар шаҳри Женеваи Швейтсария вохӯрӣ намуд, хабар доданд ба АМИТ «Ховар» аз Вазорати рушди иқтисод ва савдо.
Дар вохӯрӣ Завқӣ Завқизода Нгози Оконҷо Ивеаларо барои таъйин гардиданаш ба вазифаи Директори генералии СҶС бори дигар табрик гуфта, зикр кард, ки Ҷумҳурии Тоҷикистон дар давраи узвият ба СҶС дар асоси дастуру супоришҳо ва роҳнамоиҳои пайвастаи Президенти Ҷумҳурии Тоҷикистон муҳтарам Эмомалӣ Раҳмон дар самтҳои рушди савдои хориҷӣ, тақвияти иқтидори содиротии кишвар, содагардонии расмиёти савдо ва дар маҷмӯъ рушди устувори иқтисодӣ ба якчанд дастовардҳои назаррас ноил гардид. Аз ҷумла, баъди узвият дар СҶС шумораи шарикони тиҷоратӣ аз 90 то ба беш аз 110 кишвар, ҳаҷми содирот ду маротиба ва номгӯи молҳои содиротӣ 1,8 маротиба афзоиш ёфта, нахустин бор дар таҷрибаи кишвар Равзанаи ягона оид ба содагардонии амалиёти содиротӣ, воридотӣ ва транзитӣ, инчунин Портали савдои Тоҷикистон ҷорӣ карда шуда, якчанд ислоҳоти муҳим дар соҳаи савдо амалӣ гардид.
Ҳамзамон вобаста ба дар сатҳи баланд гузаронидани ҷаласаҳои якумин Тафсири сиёсати савдои Ҷумҳурии Тоҷикистон дар назди СҶС, ки 6-8 декабри соли равон пешбинӣ шудаанд, таклифу пешниҳодҳои судманд баён гардиданд.
Директори генералии СҶС дастовардҳои Ҷумҳурии Тоҷикистонро дар самти савдо, бахусус содагардонии расмиёти савдо ва фаъолият дар чаҳорчӯбаи ин созмони байналмилалӣ натиҷабахш арзёбӣ намуда, ҷониби Тоҷикистонро барои ин дастовардҳо табрик гуфт.
З.Завқизода Директори генералии СҶС-ро барои иштирок дар чорабинии сатҳи баланд оид ба натиҷаҳои фосилавии «Даҳсолаи байналмилалии амал «Об барои рушди устувор», солҳои 2018-2028», ки тобистони соли 2022 дар шаҳри Душанбе баргузор мегардад, ба Тоҷикистон даъват намуд. Даъвати мазкур хуш пазируфта шуд.
АКСҲО: Вазорати рушди иқтисод ва савдои ҶТ
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
