БЕҲТАРИНИ БЕҲТАРИНҲО. Шумораи гирандагони стипендияи Президентӣ ба 3000 нафар расонида шуд

Январь 6, 2022 11:14

ДУШАНБЕ, 6.01.2022. /АМИТ «Ховар»/. Шумораи гирандагони стипендияи Президентӣ дар соли таҳсили 2021-2022 ба 3000 нафар расонида шуд.  Барои ҳар як гирандаи стипендия ҳар моҳ 500 сомонӣ муқаррар гардидааст, иттилоъ доданд дар ин бора ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон.

Иқдоми мазкур бо пешниҳоди Пешвои миллат муҳтарам Эмомалӣ Раҳмон аз 1 сентябри соли 2021 амалӣ гардида,  то ин муддат шумораи гирандагони стипендияи мазкур 400 ададро ташкил медод.

Бояд тазаккур дод, ки таъсиси стипендияҳои Президенти Ҷумҳурии Тоҷикистон барои хонандагону донишҷӯёни муассисаҳои таҳсилоти миёнаи умумӣ, ибтидоӣ ва миёнаи касбӣ дар асоси қарори Ҳукумати Ҷумҳурии Тоҷикистон аз  1 августи 2015 ва Низомномаи  стипендияҳои Президенти Ҷумҳурии Тоҷикистон барои хонандагону донишҷўёни муассисаҳои таҳсилоти умумӣ, ибтидоӣ ва миёнаи касбӣ тасдиқ шуда, ҳамасола дар асоси низомномаи мазкур омзун аз ҷониби мақоми ваколатдори давлатӣ дар соҳаи кор бо ҷавонон гузаронида  мешавад, ғолибон муайян ва давоми соли таҳсил бо стипендия таъмин карда мешаванд.

Мавриди зикр аст, ки аз таъсис ёфтани стипендия, яъне аз соли 1998 то соли 2020 теъдоди стипендияҳои Президентӣ ва маблағи он марҳила ба марҳила зиёд гардида, дар доираи Соли ҷавонон эълони намудани соли 2017 теъдоди  стипендия аз 300 адад ба 400 адад расонида шуд. Аз 1 сентябри соли 2021 ин шумора бо пешниҳоди Пешвои миллат муҳтарам Эмомалӣ Раҳмон  ба 3000 ва ҳаҷми маблағи он барои ҳар як гирандаи стипендия дар як моҳи соли таҳсил ба 500 сомонӣ расонида шуд, ки ин беҳтарин иқдом барои дастгирии ҷавонони лаёқатманду фаъол мебошад.

Тавре иттилоъ дода шуд, дар соли 2021   Кумитаи кор бо ҷавонон ва варзиши назди Ҳукумати Ҷумҳурии  Тоҷикистон ва сохторҳои маҳаллии он дар шаҳру ноҳияҳои ҷумҳурӣ ҷиҳати дар сатҳи зарурӣ баргузор намудани озмун тадбирҳои зарурӣ андешида, озмунро бо иштироки доираи васеи хонандагону донишҷӯён баргузор намуданд ва тибқи квотаи ба шаҳру ноҳияҳои ҷумҳурӣ муқарраргардида номзадии беҳтарин довталабонро барои дарёфти стипендияи Президентӣ ба Комиссияи ҷумҳуриявӣ пешниҳод намуданд.

Баъд аз натиҷагирии фаъолияти  Комиссияи ҷумҳуриявии озмун 2950 нафар хонандагони муассисаҳои таҳсилоти миёнаи умумӣ, 25 нафар донишҷӯёни муассисаи таҳсилоти ибтидоии касбӣ ва 25 нафар донишҷӯёни  муассисаҳои таҳсилоти миёнаи касбӣ, дар маҷмӯъ 3000 нафар ҳамчун ғолиби озмуни стипендияи Президентӣ дар соли таҳсили 2021 – 2022 муайян гардиданд. Онҳо давоми нуҳ моҳи соли таҳсил бо стипендияи Президентӣ таъмин мегарданд.

Зарангези ЛАТИФ,
АМИТ «Ховар»

 АКС: Кумитаи кор бо ҷавонон ва варзиши назди Ҳукумати ҶТ

Январь 6, 2022 11:14

Хабарҳои дигари ин бахш

БА ТАЪСИСИ РӮЗИ ҶАВОНОНИ ТОҶИКИСТОН 27 СОЛ ПУР ШУД. Назарпурсӣ оид ба фаъолияти ҷавонон дар ҷавоб ба дастгириҳои Президенти Тоҷикистон ва Ҳукумати мамлакат
Президенти Тоҷикистон Эмомалӣ Раҳмон: «Ҷавонон умеду ояндаи давлат ва халқи Тоҷикистон мебошанд»
Ҷавонони тоҷик дар моварои ҳаводиси сайёра ва таҳмили ғояҳои экстремистӣ бояд ҳамеша ҳушёр бошанд. Эҳдо ба Рӯзи ҷавонони Тоҷикистон
«ҲИФЗИ САЛОМАТИИ ҶОМЕА-МАРОМИ МО». Бахшида ба Рӯзи ҷавонони Тоҷикистон ҳамоиши табибони ҷавон баргузор шуд
Муовини Сарвазири Тоҷикистон Сулаймон Зиёзода бо мавзеи офати табиӣ дар деҳаи Яхаки ноҳияи Нуробод ва минтақаи Сари Ҷар-Сангвор шинос шуд
Ҳайатҳои Парлумон ва Ҳукумати Тоҷикистон ба роҳбарият ва мардуми Эрон изҳори тасаллият ва ҳамдардӣ намуданд
МО ҶАВОНЕМ, МО ҶАВОНЕМ, МО ҶАВОН! Дар Тоҷикистон зиёда аз 2 миллион нафарро ҷавонон ташкил медиҳанд
РИСОЛАТИ ТАЪРИХИИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАҲКИМИ ПОЯҲОИ ИСТИҚЛОЛИ ДАВЛАТӢ. Андешаҳо ба ифтихори 30-солагии таъсиси ҳизб
СОЛИ МАЪРИФАТИ ҲУҚУҚӢ. Расонидани ёрии ҳуқуқии ройгон ифодагари ғамхории Пешвои миллат нисбат ба мардуми Тоҷикистон аст
«СИФАТИ ХИЗМАТРАСОНИИ ТИББӢ». Доир ба беҳтар намудани кумаки статсионарӣ ба модарон, навзодон ва кӯдакон машғулият доир гардид
Давоми шабонарӯзи охир бар асари бориши шадид дар минтақаҳои гуногуни Тоҷикистон сел ба амал омад
Бахшида ба Рӯзи ҷавонони Тоҷикистон Вазири корҳои дохилӣ бо ҷавонони фаъол вохӯрӣ намуд